កាមេរ៉ាស៊េរីថ្មី Canon EOS R មានលក់នៅលើទីផ្សារប្រទេសកម្ពុជាហើយ ដែលមានតម្លៃតួរខ្លួន 2363 ដុល្លា

ដើម្បីចូលរួមប្រកូតប្រជែងទីផ្សារកាមេរ៉ាថតរូបប្រភេទ Mirrorless Full Frame ជាមួយក្រុមហ៊ុន Fujifilm, Nikon និង Sony ដែលកំពុងតែមានសក្តានុពលខ្លាំងនៅកម្ពុជាកាលពីពេលថ្មីៗនេះ ក្រុមហ៊ុន i-Qlick ដែលជាអ្នកចែកចាយកាមេរ៉ា Canon នៅប្រទេសកម្ពុជា បានប្រកាសចេញកាមេរ៉ាថតរូបស៊េរីថ្មីប្រភេទ Mirrorless Full Frame camera ដំបូងរបស់ខ្លួន ម៉ូដែល EOS R ផងដែរ។ យោងការបញ្ជាក់របស់ក្រុមហ៊ុននេះ បានអោយដឹងថា កាមេរ៉ាស៊េរីថ្មីនេះ ត្រូវបានក្រុមហ៊ុន Canon ធ្វើការផលិតឡើងយ៉ាងពិសេសដោយមានរូបរាងប្រហាក់ប្រហែលទៅនឹងកំពូលកាមេរ៉ា EOS DSLR ដែរព្រមទាំងមានសមត្ថភាពយ៉ាងគាប់ប្រសើរសម្រាប់ការថតរូប និងវីដេអូ។ 

Canon EOS R បំពាក់នូវកាមេរ៉ាទំហំ 30.3MP ប្រើប្រាស់សែនស័រ CMOS full-frame sensor ដែលប្រតិបត្តិការលើឈីប DIGIC 8 image processor ដូចស៊េរី Canon M50 ដែរ។  កាមេរ៉ាថ្មីនេះ គឺមានភ្ជាប់នូវមុខងារ Dual Pixel AF ដែលជួយអោយល្បឿនចាប់ចំនុច (focus) បានលឿនដល់ទៅ 5,655 ចំនុច ជាមួយនឹងកម្រិតពន្លឺ ISO ដែលអាចបង្កើនពី 100 ឡើងទៅ 4000 ដោយស្វ័យប្រវត្តិ និងល្បឿន shutter speed 1/8000s។ EOS R ប្រើប្រាស់ថ្មប្រភេទ LP-E6N battery ដូចថ្មរបស់ 5D Mark IV DSLR ដែលអាចកាន់ក្នុងការថតរូបសន្លឹកបាន 370 ប៉ុស្តិ៍ ហើយវាមិនមានរន្ធសម្រាប់ដាក់មេម៉ូរីកាតនោះទេ។ 

សម្រាប់លទ្ធភាពថតវីដេអូវិញ គឺវាអាចថតបានដល់កម្រិត 4K ក្នុងល្បឿន 30fps ជាមួយទំហំ bitrate-480Mbps និងកម្រិត 1080px ក្នុងល្បឿន 60fps ជាមួយទំហំ bitrate- 180Mbps។ វាក៏អាចថតវីដេអូយឺត Slow motion បានក្នុងកម្រិត 720px ក្នុងល្បឿន 120fps ផងដែរ។ EOS R ប្រើប្រាស់កែវលែនប្រភេទថ្មី RF mount ខ្នាត 54mm។ កាមេរ៉ានេះមានកញ្ចក់អេក្រង់ថាច់ស្រ្គីនប្រភេទ LCD Viewfinder ទំហំ 3.2 អ៊ីងមានកម្រិតពន្លឺ 3.69M dot សម្រាប់ប្រើប្រាស់បញ្ជាមុខងារទូទៅនៅលើកាមេរ៉ាបានរហ័ស។ 

សូមបញ្ជាក់ថា ជាមួយនឹងការប្រកាសចេញកាមេរ៉ាស៊េរីថ្មីប្រភេទ Mirrorless full frame ដំបូងរបស់ខ្លួននោះទេ Canon ក៏បានប្រកាសចេញកែវលែនតស៊េរីថ្មីចំនួន 4 ស៊េរីផងដែរក្នុងនោះមានដូចជាស៊េរី RF 28-70mm F2L USM, RF 24-105mm F4L IS USM, RF 35mm F1.8 Macro IS STM, និង RF 50mm F1.2L USM ដែលមានសមត្ថភាព និងមុខងារប្រើការទូទៅខ្លាំងរៀងៗខ្លួនបម្រើអោយវិស័យថតរូបកាន់តែមានភាពទំនើបទ្វេរឡើង។