Nokia 6.1 Plus នៅតែមានការពេញនិយមពីសំណាក់អ្នកប្រើប្រាស់នៅកម្ពុជា បើទោះបីជាមានវត្តមានស្មាតហ្វូនចិនច្រើនយ៉ាងណាក៏ដោយ

Nokia 6.1 Plus គឺជាស្មាតហ្វូនស៊េរីថ្មីចុងក្រោយមួយ ដែលត្រូវបានក្រុមហ៊ុន HMD Global បង្ហាញចេញជាផ្លូវការក្នុងទីផ្សារប្រទេសកម្ពុជា អស់រយៈពេលយូរគ្រាន់បើដែរហើយ ដោយទទួលបាននូវការចាប់អារម្មណ៍គាំទ្រយ៉ាងខ្លាំងពីសំណាក់អ្នកប្រើប្រាស់នៅទូទាំងប្រទេស ដែលបានធ្វើអោយអស់ស្តុកចំនួនពីរដងឯណោះ។ យោងតាមការបញ្ជាក់របស់ក្រុមហ៊ុន NOKIA នៅកម្ពុជា បញ្ជាក់កន្លងមកបានអោយដឹងថា កត្តាដែលស្មាតហ្វូននេះ ទទួលបានការគាំរទ្រខ្លាំង គឺដោយសារតែការរចនារូបរាងថ្មី មានគុណភាពខ្ពស់ មានតួរឹងមាំ និងមានអេក្រង់ធំ ជាពិសេសគឺសមត្ថភាពក្នុងការប្រើប្រាស់ និងតម្លៃតែម្តង។

គិតរហូតមកទល់ថ្ងៃនេះ ស្មាតហ្វូន Nokia 6.1 Plus នៅតែជាស្មាតហ្វូនស៊េរីថ្មីមួយ ដែលនៅតែមានការចាប់អារម្មណ៍ដដែលបើទោះបីជាមានស្មាតហ្វូនរបស់ក្រុមហ៊ុនចិន ជាច្រើនបាននិងកំពុងតែប្រកួតប្រជែងខ្លាំងយ៉ាងណាក៏ដោយ។ នេះគឺដោយសារតែស្មាតហ្វូននេះ នៅតែរក្សារបាននូវគុណភាពថាមពលថ្ម ល្បឿនការប្រើប្រាស់ រួមជាមួយនឹងភាពធន់របស់វាតែម្តង។ ថ្មីៗនេះមានអ្នកប្រើប្រាស់ជាច្រើនបានបង្ហាញនូវការពេញចិត្តពេញថ្លើមចំពោះស្មាតហ្វូនម៉ូដែលនេះ ដោយសារ តែអត្ថប្រយោជន៍បានមកពីការជ្រើសរើស Nokia 6.1 Plus។ 

គួរបញ្ជាក់ថា ទូរស័ព្ទ Nokia 6.1 Plus មានអេក្រង់ 5.8 អ៊ីង Full HD+បង្ហាញរូបភាពក្នុង Resolution 2280x1080 ភិចសែលកម្រិត 19:9 Aspect Ratio និងកញ្ចក់ការពារ 2.5D Corning Gorilla Glass 3។ នៅផ្នែកខាងក្នុងស្មាតហ្វូននេះ ដំណើរការដោយបន្ទះឈីប Snapdragon 636 រួមជាមួយ RAM ទំហំ 4GB និងទំហំផ្ទុកខាងក្នុងទំហំ 64GB និងអាចបន្ថែមmicroSD បានផងដែរ។ ក្រឡែកទៅមើល សមត្ថភាពថតរូប ទូរស័ព្ទនេះមានកាមេរ៉ាទីមួយទំហំ 16 មេហ្គាភិចសែល ជាមួយ f/2.0 Aperture និងកាមេរ៉ាទីពីរទំហំ 5 មេហ្គាភិចសែល ជាមួយ f/2.4 Aperture។ នៅផ្នែកខាងមុខ មាន កាមេរ៉ាទំហំ 16 មេហ្គាភិចសែល ជាមួយ f / 2.0 aperture សម្រាប់ការថតរូបខ្លួនឯង Selfie និងវីដេអូ។

Nokia 6.1 Plus ត្រូវបានក្រុមហ៊ុនភ្ជាប់មកជាមួយនូវ 4G VoLTE, WiFi 802.11 ac (2.4GHz + 5GHz), Bluetooth 5, GPS / GLONASS និង USB ប្រភេទ C។ ស្មាតហ្វួននេះត្រូវបានបំពាក់ដោយថាមពល 3.060mAh ដែលអាចប្រើបានលឿនរហ័សជាមួយបច្ចេកវិទ្យា Quick Charge 3.0 ថែមទៀតផង។ Nokia 6.1 Plus ត្រូវបានក្រុមហ៊ុន NOKIA ចេញលក់នៅកម្ពុជាក្នុងតម្លៃ 269 ដុល្លា រួមជាមួយនឹងការថែមជូនកាដូប្រូម៉ូសិនផងដែរ៕