នៅទី 25 ខែមករា ឆ្នាំ 2018 នេះ ក្រុមហ៊ុន HP សហការជាមួយនឹងក្រុមហ៊ុន EZY ជាដៃគូរនាំចូល និងចែកចាយផ្តាច់មុខនូវកុំព្យូទ័រ និង ព្រីនធ័រ ម៉ាក HP ប្រចាំនៅក្នុងទីផ្សារប្រទេសកម្ពុជា បានបើកសម្ពោធជាផ្លូវការ HP Experience Center ក្រោមមានវត្តមានរបស់អ្នកតំណាងថ្នាក់ដឹកនាំរបស់ក្រុមហ៊ុន HP ដែលបានអញ្ជើញមកពីបណ្តាប្រទេសផ្សេងៗគ្នា ក៏ដូចជាវត្តមានពីថ្នាក់ដឹកនាំរបស់ក្រុមហ៊ុន EZY រួមទាំងបណ្តាក្រុមហ៊ុនអាជីវកម្ម ដែលជាដៃគូរលក់បន្តច្រើនទៀត។
តាមការបញ្ជាក់របស់ក្រុមហ៊ុន HP ក៏ដូចជា EZY បានអោយដឹងថា ដោយសារមើលឃើញពីទីផ្សារកម្ពុជា នាពេលបច្ចុប្បន្ននេះ មានភាពរីកចំរើនយ៉ាងខ្លាំងលើផ្នែកបច្ចេកវិទ្យា ជាពិសេសទៅលើផ្នែកឧបករណ៏អេឡិចត្រូនិច សំរាប់ប្រើប្រាស់នៅក្នុងការិយាល័យ ក៏ដូចជាឧបរណ៏ជំនួយដល់ការសិក្សារបស់សិស្ស និសិ្សតជាច្រើនប្រភេទទៀត ដែលរួមមានដូចជា កុំព្យួទ័រលើតុ Laptop ព្រីនធ័រ ជាដើម។
កត្តាមួយនេះហើយ ដែលបានធ្វើអោយក្រុមហ៊ុនក្រៅស្រុកមួយចំនូនធំងាកមកចាប់អារម្មណ៏ និងយកចិត្តទុកដាក់លើទីផ្សារកម្ពូជា ផ្នែកគ្រឿងអេឡិចត្រូនិចមួយនេះ ព្រមទាំងនាំយកមកនូវភាពខុសប្លែកដែលពុំធ្លាប់មានពីមុនមក។ តួយ៉ាងដូចជាក្រុមហ៊ុន HP ដ៏ល្បីល្បាញមួយ ដែលត្រូវបានគេទទួលស្គាល់ថាជា Brand Computer and Printer ពីរសហរដ្ឋអាមេរិច ដែលបានចាប់ដៃគូរសហការជាមួយក្រុមហ៊ុន EZY SEA Technologies Ltd ប្រចាំនៅកម្ពូជា បានបង្កើត HP Experience Center ដំបូងគេបង្អស់ដើម្បីផ្តល់ជាទំនុកចិត្តដល់អតិថិជនដែលបានគាំទ្រ និងជាដៃគូរតំណាងចែកចាយបន្តផងដែរ ។
គួរបញ្ជាក់ផងដែរថា HP Experience Center ដែលបានសម្ពោធជាផ្លូវការនៅពេលនេះ គឺផ្តោតចម្បង លើការដាក់តាំងបង្ហាញផលិតផលម៉ាក HP គ្រប់ប្រភេទ ថ្មីៗ និងជាជំនាន់ចុងក្រោយរបស់ខ្លូន មានដូចជា កុំព្យូទ័រ ព្រីនធ័រ កាបូប កាស Power Bank និង Speaker ដែលផ្តល់ឱកាសដល់អតិថិជនក៏ដូជាបណ្តាអ្នកប្រើប្រាស់ទូទៅបានឃើញ និងប្រើសាកល្បងផលិតផល Brand នេះផងដែរ។ ក្រុមហ៊ុនបានបន្ថែមថា HP Experience Center នេះ មិនត្រឹមតែផ្តល់ឱកាសអោយអ្នកប្រើប្រាស់បានដឹង និងស្គាល់ពីគុណភាព និងរចនាបទថ្មីៗ នៅក្នុងយុគសម័យបច្ចេកវិទ្យារបស់ម៉ាកនេះ ប៉ុណ្ណោះទេ ថែមទាំងធ្វើអោយដៃគូរអាជីវកម្ម មានទំនុកចិត្តយ៉ាងខ្លាំងទៅលើផលិតផលម៉ាក HP ថែមទៀតផង ។
