នៅថ្ងៃទី 08 ខែកុម្ភៈ ឆ្នាំ 2018 នេះនៅភោជនីយ៍ដ្ឋាន ទន្លេបាសាក់ II ក្រុមហ៊ុន ភី ធី ស៊ី កុំព្យូទ័រ ខូអិលធីឌី បានសហការណ៍គ្នាជាមួយក្រុមហ៊ុន EPSON រៀបចំកម្មវីធីសិក្ខាសិលាស្តីអំពី "បច្ចុប្បន្នភាព និងបច្ចេកវិទ្យាជំនាន់ថ្មីផលិតផល EPSON" ដើម្បីបង្ហាញនូវសក្តានុពលភាពក៏ដូចជាបច្ចេកវិទ្យាទំនើប ជំនាន់ថ្មីចុងក្រោយបំផុត សម្រាប់ការផ្គត់ផ្គង់ស្របតាមតំរូវការរបស់អតិថិជគ្រប់ទិសទីទាំងស្ថាប័នរដ្ឋ ក្រុមហ៊ុនឯកជន ស្ថានទូត អង្គការ អ្នកទិញលក់បន្ត និងអតិថិជនប្រើប្រាស់តាមផ្ទះ។ ពិធីនេះ មានការអញ្ជើញចូលរួមពីសំណាក់ថ្នាក់ដឹកនាំជាន់ខ្ពស់របស់ក្រុមហ៊ុនធំៗទាំងពីរ រួមជាមួយនឹងភ្ញៀវកិត្តិយសជាច្រើនរូប។ គួរបញ្ជក់ថា ក្រុមហ៊ុន ភី ធី ស៊ី កុំព្យូទ័រ ខូអិលធីឌី គឺជាក្រុមហ៊ុនដ៏ធំមួយ ដែលទទួលបានសិទ្ធិចែកចាយផលិតផលម៉ាក EPSON គ្រប់ម៉ូឌែលទាំងអស់ និងផ្តល់សេវាកម្មជួសជុល ក្នុងប្រទេសកម្ពុជា។
តាមប្រសាសន៍របស់ លោកជំទាវ តាំង វួចឡាយ អគ្គនាយិការងក្រុមហ៊ុន ភី ធី ស៊ី បានបញ្ជាក់អោយដឹងថា ភី ធី ស៊ី គឺជាក្រុមហ៊ុនមួយដែលធំជាងគេបំផុត នៅក្នុងការផ្គត់ផ្គង់សម្ភារៈបច្ចេកវិទ្យាព័ត៌មានវិទ្យា និងសេវាកម្មបច្ចេកវិទ្យាព័ត៌មានវិទ្យានៅក្នុងប្រទេសកម្ពុជាយើង ចាប់តាំងពីឆ្នាំ 1996 មកម្លេះ គិតមកដល់ឆ្នាំ 2018 នេះ មានរយៈពេលជាង 20 ឆ្នាំហើយដែលបានផ្គត់ផ្គង់អតិថិជននូវផលិតផល ដែលមានគុណភាពខ្ពស់ថ្មីសុទ្ធ 100% ព្រមទាំងមានការធានាត្រឹមត្រូវពីរោងចក្រ និងផ្តល់សេវាកម្មយ៉ាងល្អប្រសើរបំផុតដោយមានការយកចិត្តទុកដាក់ពីក្រុមការងាជំនាញយ៉ាងពិតប្រាកដដែលស្របតាមបាវចនារបស់ខ្លួនគឺ " ភី ធី ស៊ី តែងតែឈានមុខគេជានិច្ច ទាំងគុណភាព និងសេវាកម្ម"។
នៅក្នុងកម្មវីធីនេះផងដែរ ក្រុមហ៊ុនធំទាំងពីរ ក៏បានផ្តល់ជូននូវចំណេះដឹងផ្នែកព័ត៌មានវិទ្យា របៀបប្រើប្រាស់និងគុណតម្លៃរបស់ផលិត ផលថ្មី EPSON Printer, EPSON Scanner, EPSON Projector ដែលជាបច្ចេកវិទ្យាជំនាន់ថ្មីចុងក្រោយរបស់ក្រុមហ៊ុន EPSON ។ ផលិតផល EPSON មានគុណភាពខ្ពស់ តម្លៃសមរម្យ សន្សំសំចៃបានច្រើនសម្រាប់អ្នកប្រើប្រាស់ ដែលកំពុងចរាចរណ៍លើទីផ្សានៅក្នុងប្រទេសកម្ពុជា។ សូមបញ្ជាក់ថា ផលិតផលម៉ាក EPSON មានច្រើនប្រភេទដូជា: Business Inkjet Printer, Ink Tank Printer, Photo Printer, Laser Printers, Larger Format Printer, និង POS Printer។ ចំណែកឯ Projector វិញមានដូចជា Corporate & Education Projector, High Brightness Projector, Ultra-Portable Projector, Interactive Projector និង Short Throw/Ultra Short Throw Projector។
អតិថិជនទាំងអស់ អាចរកទិញផលិតផលម៉ាក EPSON គ្រប់ម៉ូឌែលទាំងអស់នៅក្រុនហ៊ុន ភី ធី ស៊ី កុំព្យូទ័រ មានសាខាចំនួន 5 កន្លែង គឺទីតាំងទីមួយ ការិយាល័យកណ្តាល អគារលេខ 66 ផ្លូវ 63 កែងផ្លូវ 154 (ក្បែរផ្សារទំនើបសូរិយា) ទីតាំងទីពីរ សាខាមហាវិថីព្រះមុនីវង្ស (ជិតវត្តកោះ) ទីតាំងទីបី សាខាខាងជើងផ្សារធំថ្មី ទីតាំងទីបួន សាខាខេត្តបាត់ដំបង (ផ្លូវលេខ 2) និង ទីតាំងទីប្រាំ សាខាខេត្តសៀមរាប (ជិតមន្ទីរពេទ្យកុមារអង្គរ) ។ ក្នុងនោះអតិថិជនក៏អាចរកទិញផលិតផលតាមរយៈគេហទំព័រ WWW.ptc-computer.com.kh និងហ្វេសប៊ុក(Facebook): PTC-ComputerKh ឬតាមរយៈទូរស័ព្ទលេខៈ 023 2222 12/ 023 222213។