នៅថ្ងៃទី 09 ខែឧសភា ឆ្នាំ 2018 នៅសណ្ឋាគារសាន់វេភ្នំពេញ ក្រុមហ៊ុន AWS (CAMBODIA) ដែលជាក្រុមហ៊ុនឈានមុខគេខាងផ្នែក ចែកចាយផលិតផលបណ្ដាញទូរគមនាគមន៍ព័ត៌មានវិទ្យា និងប្រពន្ធ័គ្រប់គ្រងសុវត្ថិភាពសម្រាប់អគារ នៅក្នុងប្រទេសកម្ពុជា បានសហការយ៉ាងជិតស្និទ្ធិជាមួយក្រុមហ៊ុន អាយសា (ISA) ដែលជាក្រុមហ៊ុនផលិតនូវឧបករណ៏តេស្តអគ្គិសនី ដែលមានគុណភាពខ្ពស់របស់ប្រទេស អ៊ីតាលីត្រូវបានទទួលស្គាល់ទូទាំងពិភពលោក រៀបចំឡើងនូវសិក្ខាសាលាស្ដីអំពី ការសិក្សាស្វែងយល់ស៊ីជម្រៅទៅលើអំពីផលិតផលការវាស់ស្ទង់និងបរិក្ខាអគ្គីសនី (Off-line and On-line testing on HV Sub-Station Equipment)។
តាមរយៈអ្នកជំនាញរបស់ក្រុមហ៊ុន អាយសា (ISA) ប្រចាំប្រទេស សិង្ហបុរី អ៊ីតាលី បានបង្ហាញថា សិក្ខាសាលានេះ គឺមានគោលបំណង ដើម្បីចែករំលែកនូវចំនេះដឹង បទពិសោធន៍ ស្តីពីការប្រើប្រាស់ និងតម្រូវការនៃឧបករណ៍តេស្ត៍ទាំងនេះ សម្រាប់បំរើនៅកន្លែងអនុស្ថានីយ៍អគ្គិសនី វារីអគ្គិសនី រោងចក្រ និងអគារនានា។ ពិសេសជាងនេះទៅទៀត ឧបករណ៍ Fault Locator System ដែលជាឧបករណ៍អាចវាស់ដឹងនូវខ្សែភ្លើងដាច់ពីអនុស្ថានីយ៍អគ្គិសនី មួយទៅអនុស្ថានីយ៍អគ្គិសនីមួយទៀត ពីវារីអគ្គិសនីមួយទៅវារីអគ្គិសនី មួយទៀតពីតំបន់មួយទៅតំបន់មួយទៀត និងដឹងពីការរំខានអ្វីមួយហើយវាបានប្រាប់នូវទីតាំងច្បាស់លាស់នៅកន្លែងដែលមានបញ្ហា ឬដាច់នោះ។ ក្រុមហ៊ុន អាយសា (ISA) បានបង្កើតឡើងនៅក្នុងប្រទេសអ៊ីតាលី ឆ្នាំ 1938 ដែលបានធ្វើការនាំចេញផលិតផលម៉ាក អាយសា (ISA) ទូទាំងពិភពលោក ច្រើនជាង 100 ប្រទេស តាមបណ្តាញនៃសាខារបស់ក្រុមហ៊ុន និងក្រុមហ៊ុនជំនាញចែកចាយ ។
ក្រុមហ៊ុន AWS (CAMBODIA) ត្រូវបានបង្កើតឡើងនៅឆ្នាំ 1993 ដែលមានស្នាក់ការនៅប្រទេស សឹង្ហបុរី និងមានសាខាចំនួន 7 ប្រទេសក្នុងតំបន់អាស៊ី ដែលមានដូចជាប្រទេស មីយ៉ាន់ម៉ា ឥណ្ឌូនេស៊ី ថៃ ហ្វីលីពិន កម្ពុជា វៀតណាម នឹង ម៉ាឡេស៊ី ។ ហើយបានដំណើរការអាជីវកម្មនៅក្នុងប្រទេសកម្ពុជាអស់ជាង 10 ឆ្នាំកន្លងមកនេះក្រុមហ៊ុនបានទទួលជោគជ័យជាបន្តបន្ទាប់ហើយសម្ថតភាពនឹងការអនុវត្តន៍របស់ក្រុមហ៊ុន AWS (CAMBODIA) បានផ្តល់ភាពជឿជាក់ពីសំណាក់ដៃគូរពាណិជ្ជកម្មដែលមានបច្ចេកទេសឈានមុខគេនៅលើពិភពលោក ។
ក្រុមហ៊ុន AWS (CAMBODIA) បានបន្ថែមថា រាល់ការទិញផលិតផល ទាំងអស់ពីក្រុមហ៊ុន AWS CAMBODIA ដូចជា Commscope/ AMP, ISA, Alantek, Cisco SMB, Honeywell Security (Fire Alarm System, Sound System, Home System, Intrusion System & System Sensor, CCTV & Access Control), Fluke Networks, Socomec UPS, Brady Label Printer, Epson, INNO, D-Link, Austin Hughes, និងផលិតផលច្រើនទៀត សូមសួររកលិខិតបញ្ជាក់ពីគុណភាព ដើម្បីទទួលបានផលិតផលត្រឹមត្រូវ និងទទូលបាននូវអត្ថប្រយោជន៍ពីក្រុមហ៊ុនសម្រាប់ជំនួយបញ្ហាបច្ចេកទេសនឹងការធានា ។
.
