កាលពីថ្ងៃទី 22 ខែមិថុនា ឆ្នាំ 2018 កន្លងទៅនេះ ក្រុមហ៊ុន ECI Distribution (អ៊ី ស៊ី អាយ ឌីស្រ្ទីប៊្យូសិន) ដែលជាក្រុមហ៊ុននាំចូល និង ចែកចាយផលិតផលបច្ចេកវិទ្យាដ៏ឈានមុខគេមួយ បានសហការគ្នាជាមួយនឹងក្រុមហ៊ុន DELL EMC ដើម្បីរៀបចំនូវកម្មវិធីខួបគំរប់២៥ឆ្នាំរបស់ផលិតផល Dell OptiPlex និង បង្ហាញ Processer 8th Generation ជូនទៅដល់ដៃគូរចែកចាយបន្តរបស់ខ្លួន ដែលបានប្រព្រឹត្តទៅនៅ ភោជនីយដ្ឋាន Hard Rock Cafe ភ្នំពេញ ។
នៅក្នុងឱកាសនេះដែរ លោក ញ៉េប ចន្ថា ដែលជាអគ្គនាយកគ្រប់គ្រងទូទៅរបស់ក្រុមហ៊ុន អ៊ី ស៊ី អាយ ឌីស្រ្ទីប៊្យូសិន (ECI Distribution) បានមានប្រសាសន៍អោយដឹងថា គោលបំណងសំខាន់នៃការរៀបចំកម្មវិធីជប់លាងជូនដល់ដៃគូរចែកចាយបន្តនៅពេលនេះ គឺជាការចូលរួមចំណែកដ៏សំខាន់មួយក្នុងការចែករំលែកនូវបទពិសោធន៍ថ្មីៗ និងបច្ចេកវិទ្យាទំនើបៗ ដែលមាននៅលើផលិតផលថ្មីរបស់ក្រុមហ៊ុន Dell EMC គឺ Processor 8th Generation ដែលកំពុងតែមានតំរូវការយ៉ាងខ្លាំងពីសំណាក់អតិថិជននៅក្នុងទីផ្សារប្រទេសកម្ពុជា ក៏ដូចជាទីផ្សារនៅក្នុងពិភពលោកទាំងមូលផងដែរ។
ម្យ៉ាងវិញទៀត ក្រុមហ៊ុន អ៊ី ស៊ី អាយ ឌីស្រ្ទីប៊្យូសិន (ECI Distribution) ចង់បង្កើននូវការប្រាស្រ័យទាក់ទងគ្នា អោយកាន់តែជិតស្និតមួយកំរិតថែមទៀត រវាងក្រុមហ៊ុន និងតំណាងចែកចាយបន្តទាំងអស់ ដែលពួកគាត់ បានខិតខំជួយជុំរុញការលក់ផលិតផលនានារបស់ក្រុមហ៊ុន ក៏ដូចជាផលិតផល Dell EMC អោយទទួលបាននូវភាពជោគជ័យ និងមានភាពល្បីល្បាញរហូតមកដល់ពេលសព្វថ្ងៃនេះ។
សូមជំរាបជូនផងដែរថា ក្រុមហ៊ុន អ៊ី ស៊ី អាយ ឌីស្រ្ទីប៊្យូសិន (ECI Distribution) គឺជាក្រុមហ៊ុនដ៏ធំបំផុត មួយក្នុងការផ្តល់ដំណោះស្រាយនានាខាងផ្នែកបច្ចេកវិទ្យា ដែលបាននាំចូល និង ចែកចាយផលិតផលបច្ចេកវិទ្យាជាច្រើនម៉ាកដូចជា Dell, Sony, Lenovo, DJI, , Fuji Xerox, Transcend, APC, Bitdefender, Motorola, ZKT ហើយនិងឧករណ៍អេឡិកត្រូនិកផ្សេងៗទៀតជាច្រើនទៀតនៅក្នុងប្រទេសកម្ពុជា ។នាឱកាសពេលនោះ ក្រុមហ៊ុនក៏មានការលក់ បញ្ជុះតំលៃពិសេស ដល់ដៃគូរ និង មានការចាប់រង្វាន់ ជាច្រើនទៀតផងដែរ។ ហើយជាញឹកញយ ក្រុមហ៊ុនតែងតែមានកម្មវិធីជប់លាង និង បណ្ដុះបណ្ដាល ដល់ដៃគូរសហការរបស់ខ្លួនជានិច្ច។
ជាចុងក្រោយ លោក ញ៉េប ចន្ថា ក៏សូមថ្លែងអំណរអរគុណយ៉ាងជ្រាលជ្រៅដល់ដៃគូរសហការទាំងអស់ដែលតែងតែគាំទ្រមកលើផលិតផលរបស់ក្រុមហ៊ុន អ៊ី ស៊ី អាយ ឌីស្រ្ទីប៊្យូសិន (ECI Distribution) រហូតមក ហើយក៏សូមជូនពរអោយអតិថិជនទាំងអស់មានសុខភាពល្អ និង រកទទួលទានមានបានគ្រប់ៗគ្នា។ អ៊ី ស៊ី អាយ ឌីស្រ្ទីប៊្យូសិន (ECI Distribution) មានអសយដ្ឋាន ស្ថិតអគារលេខ១៦. ផ្លូវ ២៩០, សង្កាត់ ទួលស្វាយព្រៃ II, រាជធានី ភ្នំពេញ និងអាចទំនាក់ទំនងបានតាមរយៈទូរស័ព្ទលេខ: (+៨៥៥-២៣) ២២២ ១២១ / (+៨៥៥-៧៧) ៨៨៨ ៦៨០/(+៨៥៥-៧៨ ៨៨៨ ០៤៦
