ក្រុមហ៊ុន Cellcard និងក្រុមហ៊ុនទូរស័ព្ទដៃ OPPO ដែលជាក្រុមហ៊ុនទូរស័ព្ទតែមួយគត់ដែលបានឧបត្ថម្ភក្នុងកម្មវិធីនេះ បានរួមការសហការឧបត្ថម្ភនៅក្នុងព្រឹត្តិការណ៍ដ៏កក្រើក និងធំសម្បើមនៃការប្រកួតហ្គេមអនឡាញ Rule of Survival អស់ជាច្រើនសប្តាហ៍ដែលទទួលបានការគាំទ្រយ៉ាងច្រើនលើសលប់ពីសំណាក់ក្រុមយុវជនកម្ពុជា តាំងពីដើមកម្មវិធីរហូតដល់ចប់ជាមួយនឹងសហព័ន្ធកីឡាអេឡិចត្រូនិចជាតិកម្ពុជា បានរកឃើញអ្នកឈ្នះកាលពីថ្ងៃសៅរ៍នេះថ្មីៗនេះនៅផ្សារទំនើប AEON SENSOK។
ក្រុមយុវជនដែលជាជ័យលេភី ហ្គេម Rule of Survival និង យុវជនឆ្នើមៗដទៃទៀតដែលបានឈ្នះរង្វាន់យ៉ាងសន្ធឹកសន្ធាប់ ពីការប្រកួតហ្គេមអនឡាញ Rule of Survival ដ៏ស្វិតស្វាញរដូវកាលទី 1 នេះ ដោយជ័យលេភីលេខ 1 បានទៅលើក្រុមយុវជន Mister ដែលបានទទួលនូវប្រាក់រង្វាន់ 25 លានរៀល និងទូរស័ព្ទស៊េរីថ្មីOPPO F11 Pro ម្នាក់មួយគ្រឿង (ដែលជាទូរស័ព្ទដែលមានចំនុចពិសេសជាច្រើនក្នុងការបំពេញទៅតាមក្តីប្រាថ្នារបស់អតិថិជនគ្រប់រូបដូចជា៖ កម្លាំងរ៉េមទំហំ 6GB បូករួមទាំងមេម៉ូរីទំហំ 128GB ដែលកាន់តែងាយស្រួលសម្រាប់ Gamers។ ស្មាតហ្វូននេះ មានកាមេរ៉ាក្រោយភ្លោះទំហំ 48 MP ,កាម៉េរាមុខបង្កប់ខ្លួនផុសឡើងនៅចំណុចកណ្តាលទំហំ 16MP +AI beauty 2.1, ថាមពលថ្មទំហំ 4000mAh ,បច្ចេកវិទ្យាសាកថ្មល្បឿនលឿន VOOC ជំនាន់ 3.0 ,មានបច្ចេកវិទ្យាជំនួយល្បឿន Hyper Boost , អេក្រង់បែបលាតពេញទំហំ 6.53 inch ដែលមានកម្រិតបង្ហាញ FHD+ រហូតដល់ទៅ 90.9%) ហើយពួកគេនឹងមានឱកាសដើម្បីចូលរួមការប្រកួតហ្គេមអេឡិចត្រូនិច កីឡាស៊ីហ្គេមលើកទី៣០នៅប្រទេសហ្វីលីពីនផងដែរ ។
ចំណែកចំណាត់ថ្នាក់លេខ 2 បានទៅលើក្រុមដែលមានឈ្មោះថា Warrior ដោយទទួលបានប្រាក់រង្វាន់ចំនួន 20 លានរៀល និង ទូរស័ព្ទ F11 ម្នាក់មួយគ្រឿង និង ក្រុមលេខ៣បានទៅលើក្រុម UP ទទួលបានប្រាក់រង្វាន់លើកទឹកចិត្ត 10 លានរៀល និង ក្រុមកីឡាករឆ្នើម និង ក្រុមកីឡាករដែលមានអ្នកគាំទ្រច្រើនបំផុត សុទ្ធតែទទួលបានទូរស័ព្ទដៃទំនើប OPPO ម្នាក់មួយគ្រឿងបន្ថែមទៀតផង។ ទាំងនេះគឺជាឱកាសថ្មីមួយទៀតហើយដើម្បីជាការលើកទឹកចិត្តដល់យុវជនខ្មែរមួយចំនួន ដែលនិយមលេងហ្គេមអនឡាញតាមអ៊ីនធើណែត ដោយមិនចំណាយពេលវេលាឥតប្រយោជន៍ និង ទទួលបានអត្ថប្រយោជន៍យ៉ាងច្រើនសន្ធឹកសន្ធាប់ពីក្រុមហ៊ុនឯកជនក្នុងស្រុកថែមទៀតផង ប៉ុន្តែទោះបីជាបងប្អូនយើងនិយមលេងហ្គេមយ៉ាងណាក៏ដោយ សូមកុំភ្លេចការសិក្សាផងណាកនយើង ហេហេហេ រៀនក៏ពូកែ លេងហ្គេមកាន់តែឆ្លាតទៀត គឺអេមតែម្តង ៕