ថ្មីៗនេះ ក្រុមហ៊ុន Huawei បានបង្ហាញនូវប្រព័ន្ធប្រតិបត្តិការ HarmonyOS ជំនាន់ថ្មីរបស់ខ្លួន ហើយជាមួយគ្នានេះ ក្រុមហ៊ុនក៏បានបញ្ចេញនូវបញ្ជីជាច្រើននៃស្មាតហ្វូនដែលនឹងទទួលបាននូវការអាប់ដេតទៅលើប្រព័ន្ធប្រតិបត្តិការនេះផងដែរ។ ប្រព័ន្ធប្រតិបត្តិការ HarmonyOS នេះ គឺដាក់អោយប្រើប្រាស់ជាទ្រង់ទ្រាយធំតែម្តងនៅក្នុងពេលនេះ។ តាមការបញ្ជាក់របស់ក្រុមហ៊ុន Huawei បានអោយដឹងថា ឧបករណ៍ជាង 100 ម៉ូឌែលដែលប្រើប្រាស់នូវប្រព័ន្ធប្រតិបត្តិការនេះនៅក្នុងឆ្នាំនេះ។
មកដល់ពេលនេះ គឺស្មាតហ្វូនរបស់ Huawei និង Honor ចំនួន 69 ម៉ូដែល និងឧបករណ៍ជាង 25 លានគ្រឿងទៀត បានធ្វើការអាប់ដេតទៅកាន់ប្រព័ន្ធប្រតិបត្តិការ HarmonyOS។ ក្រុមហ៊ុននេះ នឹងធ្វើការអាប់ដេតទៅលើប្រព័ន្ធប្រតិបត្តិការនេះនៅលើឧបករណ៍ជាច្រើនទៀតដែលក្នុងនោះមានស្មាតហ្វូន ថេប្លេត ទូរទស្សន៍ និងជាច្រើនទៀតផង។ ពាក់ព័ន្ធទៅនឹងប្រព័ន្ធប្រតិបត្តិការ HarmonyOS នោះ សម្រាប់ការអាប់ដេតលើកទី 4 ដែលក្រុមហ៊ុននេះបានបន្តអាប់ដែល ហើយវានឹងចាប់ផ្តើមនៅពាក់កណ្តាលខែកក្កដានេះតែម្តវ ដែលក្នុងនោះ មានឧបករណ៍ចំនួន 14 ដូចជា៖
Huawei P20, Huawei Mate 10, Huawei-P20 Pro, Huawei Mate 10 Pro, Huawei nova 5i, Huawei-Mate 10 Porsche Design, Huawei nova 4, Huawei Mate RS Porsche Design, Huawei-nova 4e, Honor X10, Honor 30S, Honor-X10 Max, Honor 30 Youth Edition និង Honor Play4។ ក្រៅពីស្មាតហ្វូនខាងលើនេះ វាក៏មានប្រភេទ “closed beta” សម្រាប់ផលិតផលជាច្រើនទៀតដូចជា៖ Huawei Smart Screen V75 2019, Huawei Smart Screen V65 2019, Huawei-Smart Screen V65 Premium Edition, Huawei Smart Screen V65i និង Huawei Smart Screen V55i។
តាមការបញ្ជាក់របស់ Aurora Mobile នោះ នៅក្នុងពេលត្រឹមតែ 14 ថ្ងៃប៉ុណ្ណោះ ប្រព័ន្ធប្រតិបត្តិការ HarmonyOS 2 ទទួលបាននូវការ upgrade បានច្រើនជាង 18 លានគ្រឿង។ ទិន្នន័យនេះគឺចាប់ពីថ្ងៃទី 2 ខែមិថុនាដល់ថ្ងៃទី 15 ខែមិថុនានេះ៕