កាលពីថ្ងៃ 6 ខែមករា ឆ្នាំ 2023 កន្លងទៅនេះ ក្រុមហ៊ុន Sony ប្រចាំនៅប្រទេសកម្ពុជា បានរៀបព្រឹត្តិការណ៌ Sony Alpha Festival 2023 នៅផ្សារទំនើប អ៊ីអនសែនសុខ (AEON MALL SEN SOK) ដែលកម្មវិធីនេះ គឺមានរយៈពេល 3 ថ្ងៃ គឺចាប់ពីថ្ងៃ 6, 7 និងថ្ងៃទី 8 ខែមករា ឆ្នាំ 2023 នេះ នឹងមានការអញ្ជើញចូលរួមពីសំណាក់អ្នកជំនាញថតរូបល្បីៗជាច្រើនរូប ដែលរួមមានដូចជា លោក Sovanna Kem ដែលជាអ្នកជំនាញថតរូបសកម្មភាពបែបកីឡា និងបែបធម្មជាតិ, Pu SAM អ្នកជំនាញថតរូបបែប Pre-Weeding និងបែបម៉ូដែល ហើយនិងលោក Mardy Suong ដែលជាអ្នកជំនាញថតរូបភាពផ្នែកសត្វស្លាប និងបែប Street Photography ហើយនិងមានការចូលរួមពីអ្នកថតរូអាជីពមួយចំនួនទៀតផងដែរ។
នៅក្នុងរយៈពេល 3 ថ្ងៃនោះ មានអ្នកចូលរួមទស្សនាកម្មវិធីនេះជាច្រើន ហើយអ្នកជំនាញជាច្រើនរូប ក៏បានឡើងមកចែករំលែកបទពិសោធន៌ល្អៗ ក៏ដូចជារបៀបនៃការប្រើប្រាស់កាមេរ៉ា SONY នៅក្នុងការថតរូប និង ថតវីដេអូ តាមស្ថានភាព និងមតិកាខុសគ្នាផងដែរ។ តាមរយៈព្រឹត្តិការណ៌នេះ ក្រុមការងាររបស់ Sony ក៏បានបង្ហាញចេញផលិតផលកាមេរ៉ា Sony ជំនាន់ថ្មីៗជាច្រើនម៉ូដែលផងដែរ។ នៅក្នុងនោះក្រុមហ៊ុនក៏មានរៀនចំអោយមានម៉ូដែលឈុតអាពាហ៌ពិពាហ៌សម្រាប់អោយអ្នកថតរូប អាចធ្វើតេស្តជាមួយនិងកាមេរ៉ា Sony A7R V ដែលជាជំនាន់ថ្មីរបស់ខ្លួនថែមទៀត ដែលពិតជាពិសេសមែនទែន។
សូមជំរាបថា នៅក្នុងព្រឹត្តិការណ៌ Sony Alpha Festival 2023 នេះ ក្រុមហ៊ុន Sony ប្រចាំនៅប្រទេសកម្ពុជា បានរៀបចំនូវការដាក់តាំងនូវ Booth ធំៗចំនួន 5 ផ្សេងៗគ្នា ដើម្បីដាក់់តាំងនូវផលិតផលកាមេរ៉ា Sony ក៏ដូចជា ឡែន Sony រួមជាមួយនិងការដាក់អោយធ្វើតេស្តសាកល្បងទៅលើម៉ាស៊ីនថ្មីៗរបស់ Sony ជាច្រើនប្រភេទ បំរើតាមតម្រូវការចង់បានរបស់អ្នកប្រើប្រាស់ថែមទៀតផង។ នៅក្នុងនោះក៏មានការលេងហ្គេម និងឆ្លើយសំណួរងាយៗដើម្បីឈ្នះរង្វាន់ជាច្រើនពីក្រុមហ៊ុន Sony ថែមទទៀត។
អ្វីដែលពិសេសនោះ ដើម្បីជាការថ្លែងអណរគុណដល់ហ្វេនៗជាច្រើនរបស់ Sony នៅក្នុងរយៈពេល 3 ថ្ងៃនោះ ក្រុមហ៊ុន Sony ប្រចាំនៅប្រទេសកម្ពុជា ក៏មានរៀបចំនូវព្រឹត្តិការកម្សាន្តជាច្រើន រួមជាមួយនិងការដាក់លក់ជាពិសេស ឬហៅថា Special Hour Flash Sale សម្រាប់អតិថិជនផងដែរ ដែលកាតផ្តល់ជូននេះ គឺមានការលក់បញ្ចុះតម្លៃជាច្រើនទៅលើផលិតផលកាមេរ៉ា Sony ជាច្រើនម៉ូដែល និងលែនថ្មីៗរបស់ Sony ជាច្រើនប្រភេទផងដែរ។
