ថ្មីៗនេះ មានការប្រទះឃើញនូវរូបភាពមួយចំនួននៅលើបណ្តាញសង្គម ដែលបង្ហាញពីវត្តមានរបស់ Honor Showroom ដ៏ទំនើបមួយស្ថិតនៅក្នុងផ្សារទំនើបរតនាផ្លាហ្សា ដែលជាមជ្ឈមណ្ឌលពាណិជ្ជកម្មដ៏មានសក្តានុពលបំផុត នៅក្នុងទីក្រុង ភ្នំពេញ។ បើមើលទៅលើ Caption របស់អ្នកដែលផុសរូបភាពថ្មីនេះ គឺបញ្ជាក់ថា មជ្ឈមណ្ឌលដាក់តាំងបង្ហាញ និងលក់ ស្មាតហ្វូន Honor គឺមានការឌីស្សាញជាមួយស្ទីលថ្មី ដែលដូចគ្នាទៅនឹងបណ្តាប្រទេសជាច្រើន នៅក្នុងតំបន់មួយចំនួន អញ្ចឹងដែរ។
ជាមួយនិងវត្តមាននូវ Honor Showroom ថ្មីនៅពេលនេះ គឺអាចបញ្ជាក់អោយយើងដឹងច្បាស់ថា ក្រុមហ៊ុនស្មាតហ្វូនដែល ទើបនឹងបង្ហាញខ្លួននៅលើទីផ្សារប្រទេសកម្ពុជា រយៈពេៈខ្លីមួយនេះ គឺបាននឹងកំពុងតែធ្វើការវិនិយោគកាន់តែខ្លាំងថែមទៀត ហើយ តាមរយៈនៃការពង្រីកខ្លួននៅតាមបណ្តាទីផ្សារសំខាន់ៗនៅពេលនេះ។ ដូច្នេះចាប់ពីពេលនេះ សម្រាប់គ្រប់ៗគ្នា ដែល ជាអ្នកគាំទ្រផលិតផលស្មាតហ្វូន Honor នឹងអាចចូលទស្សនា ក៏ដូចជាទទួលបាននូវសេវាកម្ម និងផលិតផលថ្មីៗកាន់តែច្រើន ថែមទៀតពី Honor Showroom នេះបាន។ សូមកុំភ្លេចណា! កុំភ្លេចតាមដានព្រឹត្តិការណ៌សម្ពោធជាផ្លូវការ Honor Showroom ជាមួយគ្នានៅលើផេកផ្លូវការរបស់ Honor Cambodia នៅពេលឆាប់ៗនេះ!