នៅក្នុងកម្មវិធី Mobile World Congress ដែលបានប្រព្រិត្តិដ៏ធំនៅ ទីក្រុង Barcelona ស្មាតហ្វូន LG G6 គឺត្រូវបានអ្នកចូលរួម ជាពិសេសបណ្តាញផ្សព្វផ្សាយធំៗនៅជុំវិញពិភពលោកមានការចាប់អារម្មណ៏ និងបន្តតាមដានពីស្មាតហ្វូនថ្មីនេះ ឥតឈប់ឈរ។ បើយោងតាមការបង្ហាញដូចគ្នា កាលពីឆ្នាំមុន គឺស្មាតហ្វូន LG G5 មិនបានទទួលការគាំទ្រខ្លាំងទេ ដោយសារមានការប្រឈមច្រើន។ ប៉ុន្តែនៅក្នុងឆ្នាំ 2017 ក្រុមហ៊ុន LG Electronics បានត្រលប់មកវិញ ដោយបានផ្តោតសំខាន់លើការនាំយកនលក្ខខណៈពិសេសជាច្រើនដែល ដែលបានធ្វើឲ្យទូរស័ព្ទរបស់ខ្លួនចេញមុខលើទីរផ្សារវិញ។ ការបំបែកខ្លួនរបស់ LG G5 ត្រូវបានបញ្ចប់, LG G6 បាននាំមកនូវរូបរាងថ្មី និងមុខងារថ្មី ដែលទំហំតូចជាង V20 តែស្រ្គិនវាស្មើគ្នា។
អេក្រង់ថ្មីនេះ គឺជាប្រភេទអេក្រង់ HDR ដែលបានត្រៀមខ្លួនជាស្រេច និងជាលើកដំបូងផងដែរជាមួយ HDR10 ហើយនិងបច្ចេកវិទ្យា Dolby Vision ហើយក៏ជាលើកដំបូងស្មាតហ្វូន LG អាចទ្រទ្រង់ជាមួយកំរិតរូបផាព 18:9 aspect ratio និងមានក្រុមហ៊ុន OEM ជាច្រើនជាទៀត ដែលគេរំពឹងថានឹងជ្រើសរើសយកក្នុងឆ្នាំនេះ, នៅក្នុងនោះរួមមានទាំង ក្រុមហ៊ុន Samsung ជាមួយ Galaxy S8 ផងដែរ។ ទន្ទឹមនឹងនេះ ក្រុមហ៊ុន LG បានរក្សាទុកកាមេរ៉ាភ្លោះតាំងពី LG V20 និង G5។ អ្វីដែលជាការខុសគ្នាជាមួយនឹងកាមេរ៉ាថ្មីរបស់ LG G6 និងអ្វីដែលមានលក្ខណៈពិសេសនៃអេក្រង់ 18:9 (ដែលអាចមើលបានពីរជ្រុងល្អឥតខ្ចោះ) ដែលនាំយកមកថ្មីនឹង? តោះមើលអោយកាន់តែស៊ីជម្រៅជាងនេះ៖
-លក្ខណៈសម្បត្តិនៃកាមេរ៉ារបស់ LG G6 គឺមានកាមេរ៉ាពីរទំហំ 13 MP ទាំងពីរ មួយសម្រាប់ Wide Angles Shot និងមួយទៀតថតធម្មតា។ ដូច្នេះហើយជាមួយ G6 នេះម៉ាស៊ីនថតទាំងពីរនេះ គឺដូចគ្នាមិនមានការផ្លាស់ប្តូរនូវគុណភាពរូបថត និងអាចឆ្លាស់គ្នាបានយ៉ាងងាយ។ សម្រាប់វីដេអូ និងរូបថត,មានក្ខណះពីសេសនៅក្នុងការថតវីដេអូកាន់តែប្រសើរជាងមុន។ ឡែនរបស់កាមេរ៉ាទាំងពីរនេះ ខុសគ្នាបន្តិចត្រង់ថាមួយមាន Wide Angle អាចចាប់យករូបបានធំ 125 ដឺក្រេ និងមួយទៀត 71 ដឺក្រេ ។ Wide Angle កាមេរ៉ាមាន f/2.4 និង Normal កាមេរ៉ា f/1.8 ដែលធ្វើឲ្យរូបភាពភ្លឺច្បាស់ជាង។ កាមេរ៉ាមុខមានទំហំ 5MP មាន Wide Angle ដូចខាងក្រោយដែល 100 ដឺក្រេ ចំពោះមុំពីមុខ។
-ការវិវត្តថ្មីនៃកាមេរ៉ាភ្ជាប់ជាមួយរូបភាពរបស់ LG G6 គឺបន្ទាប់ពីថតរូបហើយភ្លាម តើអ្នកនឹងធ្វើអី្វបន្ទាប់? អ្នកនឹងចុចទៅខាងកែងម្ខាងដើម្បីបើកមើលរូបភាពដែលខ្លួនបានថត និងបើយើងថតច្រើនយើងនឹងអូសមើលរូបភាពទាំងអស់។ ប៉ុន្តែជាមួយការវិវត្តនេះ នឹងធ្វើអោយលោកអ្នកងាយស្រួល ថតភ្លាមអាចមើលបានភ្លាម ទាំងបីរូបច្រើនក៏ដោយ។
-លក្ខណៈពិសេសរបស់កាមេរ៉ា 18:9 : គឺកំរិតរូបភាពនៅលើស្គ្រីន នឹងផ្តល់អោយ LG G6 កាន់តែមានសមត្ថភាពខ្ពស់់ ច្បាស់ខុសពីគេ ជាពិសេសការធ្វើអោយស្គ្រីនបែកចេញជាពីរ។ វាមាន 4 មុខងារក្នុងការថតស្គ្រីនបែកជាពីរ
1.Snap Shot : គឺជាការថតដោយស្គ្រីនខាងលើសំរាប់ថត និងមួយទៀតសំរាប់ការបញ្ជាំងមើលរូបភាព
2.Match shot : គឺជាការថតរូបពីរក្នុងពេលតែមួយសម្រាប់កាមេរ៉ាមុខ និងក្រោយ។ ឧទាហរណ៍យើងចង់ថតរូបភាពពេលកំពុងមើលបាល់ទាត់យើងចងចាប់បានពេលគេកំពុងលេង និងអ្នកចង់បង្ហាញប្រតិកម្មរបស់អ្នកពេលមើលបាល់។
3.Grid shot : គឺថតរូបភាព 4សន្លឹក រៀបជាការេ។ យើងតែងតែធ្វើវាជាមួយនឹង Instagram ប៉ុន្តែឥឡូវនេះអ្នកអាចធ្វើវាជាមួយ G6 យ៉ាងងាយស្រួល។
4.Guide shot : គឺជាថតរូបភាពដោយភ្ជាប់នឹងរូបភាពផ្សេងទៀត។ វាជាលក្ខណៈពិសេសដែលមិនដែលមានក្នុងទូរសព្ទពីមុនមក ដោយចំលងលក្ខខណ្ឌរបស់រូបផ្សេងមកជាគំរូដើម្បថតតាម។