ប្រអប់ដ៏ស្រស់ស្អាតសម្រាប់ដាក់ស្មាតហ្វូនស៊េរីថ្មី Samsung Galaxy S8+ ត្រូវបានអ្នកណាម្នាក់នៅក្នុងក្រុមហ៊ុន Verizon ថតផ្នែកខាងមុខ និងផ្នែកខាងក្រោយនៃប្រអប់របស់ស្មាតហ្វូននេះ។ វាមិនដូចទៅនឹងស្មាតហ្វូនស៊េរីថ្មីបង្ហាញខ្លួននៅឆ្នាំមុននោះទេ ប្រអប់របស់ស្មាតហ្វូន Galaxy S8+ មានពណ៌ខ្មៅ ចំនែកឈ្មោះម៉ូដែល Galaxy S8+ វិញមានពណ៌ខៀវដ៏ស្រស់ស្អាត។អ្វីដែលសំខាន់ទៀតនោះ នៅផ្នែកខាងក្រោយនៃប្រអប់ដ៏ស្រស់ស្អាតនេះផ្តល់នូវព័ត៌មានលម្អិតជាច្រើន។ អ្នកនឹងទទួលបាននូវឆ្នាំងសាកមួយដែលក្រុមហ៊ុនបច្ចេកវិទ្យា Samsung ហៅថា ‘Micro USB connector’ និង 'USB connector' ។ វាដូចជាដុំ Adapters ដែលធ្លាប់បង្ហាញខ្លួននៅលើហ្វាប់ប្លេត Galaxy Note 7 ។
នៅខាងក្នុងប្រអប់នេះ វាមានកាសស្តាប់មួយគូ។ វាមានពាក្យចចាមអារ៉ាមនិយាយថា ស្មាតហ្វូនស៊េរីថ្មីត្រកូល Galaxy S8 នឹងនឹងប្រើប្រាស់នូវកាស AKG-branded earbuds (ក្រោមការផលិតរបស់ក្រុមហ៊ុន Harman) ប៉ុន្តែនៅលើប្រអប់នេះមិនមានបញ្ជាក់ព័ត៌មានអ្វីនោះទេ។ ស្មាតហ្វន Samsung Galaxy S8 និង Galaxy S8+ នឹងប្រកាសសម្ភោធន៍ជាផ្លូវការនៅក្នុងព្រឹត្តិការណ៍ Unpacked Event នៅថ្ងៃទី 29 ខែមីនាខាងមុខនេះ ហើយយើងនឹងដឹងពីលក្ខណៈសម្បត្តិរបស់ស្មាតហ្វូនស៊េរីថ្មីនេះជាច្រើនទៀតនៅក្នុងព្រឹត្តិការណ៍នោះជាក់ជាមិនខាន៕