ថ្មីៗនេះ ក្រុមហ៊ុន Apple បញ្ចេញនូវប្រព័ន្ធប្រតិបត្តិការជំនាន់ចុងក្រោយ iOS 10.3 និង watchOS 3.2 ហើយលោកអ្នកអាចទាញយកប្រព័ន្ធប្រតិបត្តិការនេះបានសម្រាប់ប្រើប្រាស់នៅលើ iPhone, iPad, iPod touch និង Apple Watch តាមរយៈការអាប់ឌែតទៅលើ OTA និង iTunes ។ ប្រព័ន្ធប្រតិបត្តិការជំនាន់ iOS 10.3 នេះមានការពង្រឹងទៅលើលក្ខណៈសម្បត្តិជាច្រើន។
ឧទាហរណ៍ការស្វែងរក AirPods តាមរយៈកម្មវិធី Find My iPhone ដែលអាចចាក់សំឡេងជួយលោកអ្នកក្នុងការស្វែងរក AirPods ដែលបានបាត់ រួមជាមួយនឹងទីតាំងចុងក្រោយបំផុតរបស់ឧបករណ៍ទាំងអស់នេះនៅលើផែនទីផងដែរ។ ពេលនេះកម្មវីធី Siri ទ្រទ្រង់នូវការចំណាយជាច្រើនដូចជាការបង់វិក័យបត្រ ការឆែកមើលប្រេងនៅក្នុងរថយន្ត ការបើកភ្លើង ការដំណើរការសំឡេងស៊ីប្លេនៅក្នុងរថយន្តជាមួយនឹងកម្មវិធី Carmaker Apps និងពិន្ទុនៃកីឡាវាយកូនបាល់ និងការទស្សន៍ទាយសម្រាប់ IPL និង ICC ។
CarPlay ក៏ជាផ្នែកមួយនៃប្រព័ន្ធប្រិតិបត្តិការ iOS ផងដែរពេលនេះក៏មាន Shortcuts នៅលើ Status Bar ដែលមានភាពងាយស្រួលក្នុងការប្រើប្រាស់ជាងមុន។ កម្មវិធី Apple Music អាចចាក់ចម្រៀងបានច្រើនបែបទៅមុខ ថយក្រោយ និងអាល់ប៊ុមបទចម្រៀងចេញពី Playlists ។ ការផ្លាស់ប្តូរជាច្រើនទៀតមានដូចជាមុខងារ iTunes ថ្មីអនុញ្ញាតឱ្យអ្នកមើលវីដេអូមួយនៅក្នុងឧបករណ៍ណាមួយរបស់អ្នកហើយមើលវានៅលើឧបករណ៍ផ្សេងទៀតបានតាមរយៈការប្រើប្រាស់ Apple ID ។ នៅក្នុងការពង្រឹងទៅលើប្រព័ន្ធប្រតិបត្តិការ iOS 10.3 ក៏ទ្រទ្រង់សម្រាប់ Apple File System ឬ APFS ដែលជំនួសការប្រើប្រាស់ HFS+ ៕