ពេលនេះ ក្រុមហ៊ុន Samsung បានចាប់ផ្តើមនូវកម្មវិធីប្រម៉ូសិនថ្មីរបស់ខ្លួនមួយទៀតហើយ ដោយពេលនេះ ក្រុមហ៊ុននឹងមានផ្តល់ជូននូវកញ្ចប់ Entertainment Kit ដោយឥតគិតថ្លៃសម្រាប់អតិថិជន ដែលកម្មង់ទិញស្មាតហ្វូនស៊េរីថ្មី Galaxy S8 ឬ Galaxy S8+ ។ នៅក្នុងកញ្ចប់នេះ មានដូចជាសម្បកទូរស័ព្ទបញ្ឈរមួយ (Clear View Standing Cover) ម៉េមូរីកាតទំហំ 64GB EVO+ និងសេវាកម្ម Netflix រយៈពេល 6 ខែ។ ការផ្តល់ជូននេះ មានឈ្មោះថាកម្មវិធី “Samsung Infinitely Entertaining Offer” ចាប់ផ្តើមពីថ្ងៃនេះរហូតដល់ថ្ងៃទី 16 ខែឧសភាខាងមុខនេះ។ នៅក្នុងទម្រង់បែបបទ “Offer Claim Form” ត្រូវតែដាក់ Submit នៅចន្លោះពីថ្ងៃទី 5 ខែឧសភា រហូតដល់ថ្ងៃទី 30 ខែមិថុនា (ចំនួននៃកញ្ចប់ Entertainment Kit នេះមានចំនួន 200,000) ។ ការចុះឈ្មោះនេះ អាចដំណើរការទៅបានតាមរយៈការប្រើប្រាស់កម្មវិធី Shop Samsung app ៕
