Angry Birds Evolution បានធ្វើការអភិវឌ្ឍន៍ និងបើកដំណើរការថ្មី មានការរចនារូបភាពកាន់តែស្អាត និងទាក់ទាញ

ក្រុមហ៊ុនផលិតហ្គេមដ៏ល្បីល្បាញ Rovio បានសហការជាមួយនឹងស្ទូឌីយ៉ោ Chimera Entertainment របស់អាឡឺម៉ង់ បានធ្វើការអភិវឌ្ឍន៍ទៅលើហ្គេម Angry Birds Evolution ហើយពួកគេក៏ទទួលបានលទ្ធផលជាវិជ្ជមានផងដែរ។ ហ្គេមនេះ មានចំនួនអ្នកទាញយកច្រើនជាង 1 លានដងនៅលើ Google Play ហើយវាទទួលបានការដាក់ពិន្ទុដល់ទៅ 4.5 លើ 5.0 ។ ខុសពីហ្គេម Angry Birds ជំនាន់មុនៗ ហ្គេម Angry Birds Evolution ចុងក្រោយនេះភ្ជាប់ជាមួយនឹងក្រាហ្វិកកម្រិត Console និងជាហ្គេមប្រភេទ RPG ដែលផ្តោតខ្លាំងទៅលើមូលដ្ឋាននៃការប្រយុទ្ធ។ បើទោះបីជាហ្គេមនេះមានសត្វចាបចំនួន 5 ប្រភេទ ដែលមានសមត្ថភាពខុសៗគ្នាក្តី អ្នកលេងហ្គេមនៅតែអាចប្រមូល និងចាប់តួអង្គជាច្រើនទៀតដល់ទៅជាង 100 ។

បន្ថែមពីនេះទៀត ក្រុមហ៊ុនផលិតហ្គេម Rovio បន្ថែមនូវព្រឹត្តិការណ៍នៃការលេងហ្គេមប្រចាំសប្តាហ៍ដែលអនុញ្ញាតអោយអ្នកលេងហ្គេមអាចទទួលបានរង្វាន់ជាច្រើនរួមទាំងឱកាសក្នុងការបន្ថែមនូវហ្វូងសត្វរបស់ពួកគេបានថែមទៀត។ ការប្រកួត PvP ក៏ដំណើរការបានដែរ ហើយវាឈ្មោះថា The Oinktagon ។ Angry Birds Evolution គឺជាហ្គេមលេងឥតគិតថ្លៃ ប៉ុន្តែក្រុមហ៊ុន Rovio ផ្តល់នូវសេវាកម្មប្រចាំថ្ងៃ Subscription ដែលផ្តល់អត្ថប្រយោជន៍ជាច្រើនសម្រាប់អ្នកលេងហ្គេមនេះ។ តើលោកអ្នកត្រូវចំណាយទឹកប្រាក់ប៉ុន្មានសម្រាប់ហ្គេម Angry Birds Evolution នេះ? ការ Subscription ទៅលើហ្គេមថ្មីនេះមានតម្លៃ $24.99 ក្នុងមួយខែដែលលោកអ្នកអាចចំណាយតាមគណនី Google Play ឬ iTunes ៕