ស្ងាត់ៗ ក្រុមហ៊ុន Asus ទើបតែប្រកាសបង្ហាញស្មាតហ្វូនស៊េរីថ្មី Zenfone 4 Max នៅក្នុងប្រទេសរុស្សី ដោយមិនបង្ហាញស្មាតហ្វូន Zenfone 4 និងម៉ាកម៉ូដែលផ្សេងទៀតនោះទេ។ ក្រុមហ៊ុននេះនៅមិនទាន់ប្រកាសអំពីកាលបរិច្ឆេទ ជាក់លាក់នៃការសម្ពោធនោះទេ សម្រាប់ស្មាតហ្វូនត្រកូល Zenfone (ដូចជាម៉ូដែល Zenfone 4 នេះ) ប៉ុន្តែរបាយការណ៍ជាច្រើន ចេញពីកោះតៃវ៉ាន់ បានបង្ហាញថា ស្មាតហ្វូនស៊េរីថ្មី Zenfone 4 គ្រោងនឹងបង្ហាញខ្លួនជាផ្លូវការនៅថ្ងៃទី 17 ខែសីហាខាងមុខនេះនៅតៃវ៉ាន់។ ពាក្យចចាមអារ៉ាមជាច្រើនក៏លើកឡើងផងដែរថា ក្រុមហ៊ុន Asus ត្រៀមខ្លួនក្នុងការប្រកាសនូវស្មាតហ្វូនត្រកូល Zenfone 4 ចំនួន 5 ម៉ូដែល ដែលនៅពេលនេះយើងបានឃើញវត្តមានស្មាតហ្វូន Zenfone 4 Max រួចមកហើយ។ ស្មាតហ្វូន 4 ស៊េរីម៉ូដែលទៀតគ្រោងនឹងប្រកាសបង្ហាញនោះគឺ៖ ZenFone 4 – ZE554KL, ZenFone 4 Pro – Z01GD, ZenFone 4 Selfie – Z01M និង ZenFone 4V V – 520KL/A006។
ស្មាតហ្វូន ZenFone 4 Selfie – Z01M បានបង្ហាញខ្លួននៅលើ Gfxbench រួចហើយ ដែលនឹងមានអេក្រង់ទំហំ 5.5 អ៊ីញកម្រិតភាពច្បាស់ Full HD 1920 x 1080 ភិចសែល ហើយវាបំពាក់នូវបន្ទះឈីប octa-core Qualcomm Snapdragon 625 processor ល្បឿន 2.0 GHz រួមជាមួយនឹងក្រាហ្វិកកាតប្រភេទ Adreno 506 GPU ។ ស្មាតហ្វូននេះ មានភ្ជាប់ជាមួយនឹងរ៉េមផ្ទុកទិន្នន័យបណ្តោះអាសន្នទំហំ 4GB ម៉េមូរីក្នុងម៉ាស៊ីនទំហំ 32GB ប្រព័ន្ធប្រតិបត្តិការ Android 7.1.1 Nougat និង ZenUI ផងដែរ។ ស្មាតហ្វូន Zenfone 4 Selfie ភ្ជាប់ជាមួយកាមេរ៉ាខាងក្រោយទំហំ 16MP និងកាមេរ៉ាខាងមុខទំហំ 12MP សម្រាប់ថតរូប Selfies ។
ចំនែកស្មាតហ្វូន Asus Zenfone 4 Max ភ្ជាប់ជាមួយអេក្រង់ទំហំ 5.5 អ៊ីញកម្រិតភាពច្បាស់ Full HD 1080p IPS display បន្ទះឈីប 1.4 GHz Quad-Core Snapdragon 425 /430 Mobile Platform រួមជាមួយនឹងរ៉េមផ្ទុកទិន្នន័យទំហំ 2GB / 3GB / 4GB ម៉េមូរីក្នុងម៉ាស៊ីនទំហំ 16GB / 32GB / 64GB ហើយអាចបន្ថែមម៉េមូរីខាងក្រៅប្រភេទ microSD ទំហំដល់ទៅ 256GB ។ ស្មាតហ្វូននេះដំណើរការប្រព័ន្ធប្រតិបត្តិការ Android 7.0 (Nougat) រួមជាមួយនឹង Zen UI 3.0 ។ អ្វីដែលកាន់តែពិសេសជាងនេះទៀតនោះ ស្មាតហ្វូននេះភ្ជាប់ជាមួយនឹងប្រព័ន្ធកាមេរ៉ាភ្លោះទំហំ 13MP ខណៈពេលដែលកាមេរ៉ាទីពីរគឺភ្ជាប់ជាមួយសែនស័រ 120-degree wide-angle lens, EIS ។ ចំនែកកាមេរ៉ាខាងមុខមានទំហំ 8MP ភ្ជាប់ជាមួយមុខងារ f/2.2 aperture, 85-degree wide-angle lens និងភ្លើងអំពូល LED flash ផងដែរ៕
