ស្មាតហ្វូនស៊េរីថ្មី Asus ZenFone 3 Zoom ដែលបង្ហាញខ្លួនកាលពីប៉ុន្មានខែមុននេះបំពាក់នូវថាមពលថ្មខ្លាំង និងប្រព័ន្ធកាមេរ៉ាភ្លោះដ៏ស្រស់ស្អាត។ ទោះជាយ៉ាងណាក៏ដោយ ស្មាតហ្វូននេះដំណើរការប្រព័ន្ធប្រតិបត្តិការ Android 6.0.1 ដែលហាក់ដូចជាមិនទាន់សម័យសោះ នៅក្នុងការប្រើប្រាស់។ ឥឡូវនេះ ក្រុមហ៊ុន ASUS ធ្វើការអាប់ឌែតស្មាតហ្វូននេះទៅកាន់ប្រព័ន្ធប្រតិបត្តិការ Android 7.1.1 ហើយសម្រាប់ស្មាតហ្វូន ZenFone 3 Zoom នេះ។ ស្មាតហ្វូននេះ មិនត្រឹមតែអាប់ឌែតទៅកាន់ Android Nougat នោះទេ វាថែមទាំងអាប់ឌែតទៅលើបញ្ហានៃ ZenUI ថែមទៀតផងដែរ។
នៅក្នុងវេទិការបស់ក្រុមហ៊ុន ASUS វាមានការពង្រឹងអាប់ឌែតទៅលើ៖
-ប្រព័ន្ធប្រតិបត្តិការ Android N
-ការទ្រទ្រង់រូបភាព RAW file
-ការប្រើប្រាស់ Portrait Mode ជាផ្នែកមួយនៃកាមេរ៉ា Modes (ការប្រើប្រាស់កាមេរ៉ាទាំងពីរថតរូប Blur ទៅលើផ្ទាំងខាងក្រោយ)
-ការទ្រទ្រង់នូវ Google Now និង Google Assistant នៅលើ ZenUI launcher
-ការដកចេញនូវ Mobile Manager, Auto-Start Manager និង Splendid notifications
-ការលុបចោលនូវកម្មវិធី Third Party Apps ដែលមានបញ្ហាជាមួយ ZenUI
-ជួរផ្នែកខាងលើរបស់ Quick Settings icons អាចជ្រើសរើសបាន
-អ្នកប្រើប្រាស់អាចកែប្រែនៅលើ Quick Settings បាន
ការអាប់ឌែតទៅកាន់ប្រព័ន្ធប្រតិបត្តិការ Android 7.1.1 មានន័យថា លោកអ្នកទទួលបាននូវមុខងារពេញលេញជាច្រើន ដូចជាការពង្រឹងទៅលើ Doze Mode, Split-Screen Apps, និង Quick Settings។ ក្រុមហ៊ុន ASUS ផ្តល់នូវជម្រើសសម្រាប់លោកអ្នកនៅក្នុង Quick Settings ដើម្បីកែប្រែទៅលើ UI ផងដែរ។ ពណ៌នៅលើអេក្រង់កាន់តែច្បាស់ស្រស់ស្អាត ហើយនៅលើ icons ផ្នែកខាងលើនឹងបង្ហាញនៅក្រោម Notifications ។ នៅលើ Home Screen របស់ស្មាតហ្វូននេះ ពេលនេះ វាមានជម្រើសក្នុងការបន្ថែមនូវ Google Feed ដូចគ្នាទៅនឹង Pixel Launcher និងជាច្រើនទៀត។ លោកអ្នកមិនចាំបាច់តម្លើងអ្វីនោះទេ លោកអ្នកគ្រាន់តែជ្រើសរើសវានៅក្នុង Google Option នៅលើ Home Screen តាមរយៈ Preferences ជាការស្រេច។ ស្មាតហ្វូននេះក៏នឹងសួរលោកអ្នកអំពីរឿងនេះផងដែរនៅពេលតម្លៃនោះ។ ការអាប់ឌែតនេះ នឹងធ្វើការលុបចោលនូវកម្មវិធី Third Party Apps ទាំងអស់ចេញពីម៉េមូរីម៉ាស៊ីន ហើយវាក៏លុបចោលនូវ Notifications របស់ ASUS ឈ្មោះថា Mobile Manager ផងដែរ។ ការអាប់ឌែតនេះមានទំហំ 1.1GB ៕