no-alternative title
no-alternative title
no-alternative title
no-alternative title
no-alternative title
no-alternative title

ក្រុមហ៊ុន AMD ប្រកាសចេញជាផ្លូវការនូវ Radeon VII ដើម្បីជួយអ្នកលេងហ្គេមកាន់តែស្រួលជាងមុន ហើយនិងប្រជែងជាមួយនឹង RTX 2080

ក្រុមហ៊ុន AMD ទើបតែបង្ហាញចេញជាផ្លូវការនូវ Radeon VII ដែលជាក្រាហ្វិកកាតដ៏អស្ចារ្យ ដែលមានបំពាក់នូវបច្ចេកវិទ្យា 7nm gaming GPU ដំបូងបំផុតនៅក្នុងព្រឹត្តិការណ៍ពិពរណ៍ CES 2019 កាលពីពេលថ្មីនេះ នៅក្នុងគោលបំណងដើម្បីធ្វើការប្រកួតប្រជែងជាមួយនឹងក្រាហ្វិកកាត NVIDIA’s GeForce RTX 2080។ ក្រាហ្វិកកាត AMD Card នេះ នឹងបំពេញនូវតម្រូវការ GPU នៅក្នុងកម្រិតមួយ ដែលខ្ពស់បំផុតទៅតាមអ្វីដែលអ្នកប្រើប្រាស់ត្រូវការ។

Radeon VII ឬ “Radeon Seven” គឺជាក្រាហ្វិកកាត ដំបូងបំផុតរបស់ក្រុមហ៊ុន AMD ដែលប្រើប្រាស់នូវដំណើរការ 7nm សម្រាប់ជំនួយទៅលើការលេងហ្គេម ដែលមានភ្ជាប់ជាមួយនឹងអង្គគណនាសរុបចំនួន 60 ជាមួយនឹង 3,840 Stream Processors ហើយនិង High-Bandwidth Memory (HBM2) ដែលមានទំហំ 16GB ជាមួយនឹងកម្រិត memory bandwidth 1TB/s។ ដូចអ្វីដែលអ្នកបានរំពឹងទុកមែន ក្រាហ្វិកាតនេះ គឺមានការទ្រទ្រង់នូវបច្ចេកវិទ្យាចុងក្រោយជាច្រើនរបស់ក្រុមហ៊ុន AMD ដែលនេះមានន័យថា បច្ចេកវិទ្យា AMD Radeon FreeSync, AMD FreeSync 2 HDR ជាមួយនឹង 4,096-bit memory interface។ 

 

ក្រុមហ៊ុន AMD បានអះអាងថា សម្រាប់ស្ថាបត្យកម្មជំនាន់ទីពីរនៃ Vega របស់ខ្លួន គឺប្រើប្រាស់ដើម្បីក្រាហ្វិកកាត Radeon VII ដែលធ្វើអោយកម្លាំងរបស់វាខ្លាំងក្លាជាងមុនដល់ទៅ 25% សម្រាប់ការប្រើប្រាស់នៅក្នុងកម្រិតថាមពលដូចគ្នា។ បើធៀបជាមួយនឹង Radeon RX Vega 64 នោះ ក្រាហ្វិកកាតនេះ មានសមត្ថភាពក្នុងការដំណើរការនូវ Battlefield V’s DX12 ជាមួយកម្លាំងខ្លាំងជាងមុនដល់ទៅ 35%។ សម្រាប់ហ្គេម Fortnite’s DX11 ក៏មានកម្លាំងខ្លាំងក្លាជាងមុនដល់ទៅ 25% ផងដែរ ស្របពេលដែល Vulkan ដែលប្រើប្រាស់ដោយ Strange Brigade នឹងមានសមត្ថភាពខ្លងាំងក្លាជាងមុនដល់ទៅ 42% ថែមទៀតផង។ 

 

នៅក្នុងព្រឹត្តិការណ៍ពិពរណ៍ CES 2019 កន្លងទៅ ក្រុមហ៊ុន AMD ក៏បង្ហាញអំពីក្រាហ្វិកកាតដ៏មានឥទ្ធិពលនេះសម្រាប់ការដំណើរការនូវហ្គេម Devil May Cry 5 ជាមួយនឹងកម្រិតភាពច្បាស់ 4K នៅក្នុងកម្រិតល្បឿន 60fps ផងដែរ។ សម្រាប់ការបង្កើតនូវមាតិកា Content creation គឺជាអ្វីដែលក្រុមហ៊ុន AMD កំពុងតែផ្តោត ហើយវាក៏មានការបង្កើនទៅលើសមត្ថភាពនៃការប្រើប្រាស់នៅលើ Board មួយនេះថែមទៀតផង។ បើធៀបជាមួយនឹង Radeon RX Vega 64 នោះក្រាហ្វិកកាត Radeon VII នឹងមានកម្លាំងខ្លាំងជាងមុនដល់ទៅ 27% សម្រាប់ Blender និង DaVinci Resolve 15 ស្របពេលដែលកម្មវិធី Adobe Premiere គឺមានសមត្ថភាពនៃការប្រើប្រាស់ល្អជាងមុនដល់ទៅ 29%។ អ្វីដែលកាន់តែទាក់ទាញបំផុតនោះ គឺថា OpenCL គឺមានការកើនឡើងនៃល្បឿនលឿនជាងមុនដល់ទៅ 62% នេះបើតាមការអះអាងរបស់ក្រុមហ៊ុន AMD ។

ក្រុមហ៊ុននេះ បាននិយាយថា “សម្រាប់អ្នកលេងហ្គេមជាច្រើន ក្រាហ្វិកកាត AMD Radeon VII អាចដំណើរការនូវ Settings នៅក្នុងកម្រិតខ្ពស់បំផុតសម្រាប់ Frame Rates នៅក្នុងកម្រិតភាពច្បាស់ដ៏ខ្ពស់បំផុតមួយ។ វាក៏ផ្តល់នូវ high-refresh HDR5 Gaming ក្នុងកម្រិត 1080p, ultrawide 1440p និង 4K ដែលភ្លឺច្បាស់ និងលឿនក្នុងការបង្កើតនូវមាតិកាជាច្រើនដែលអាចមើលនៅក្នុងកម្រិត 8K។” AMD Radeon VII នឹងចាប់ផ្តើមការដឹកជញ្ជូននៅថ្ងៃទី 7 ខែកុម្ភៈនេះ ហើយវាមានតម្លៃ $699។ អតិថិជនដែលទិញទាំងអស់ នឹងទទួលបាននូវហេ្គមឥតគិតថ្លៃចំនួន 3 នៅពេលដែលពួកគេទិញកាតនេះ ឬទិញ PC ដែលមានភ្ជាប់ជាមួយនឹងក្រាហ្វិកកាតនេះ។ ហ្គេមទាំង 3 នេះគឺ Resident Evil 2, Devil May Cry 5 និង The Division 2 ៕

 

 

no-alternative title
ព័ត៌មានពាណិជ្ជកម្ម