នៅក្នុងទិន្នន័យថ្មីមួយរបស់ក្រុមហ៊ុនស្រាវជ្រាវ Strategy Analytics នេះមានការបង្ហាញថា ក្រុមហ៊ុន Asus របស់តៃវ៉ាន់ គឺជាក្រុមហ៊ុនមួយនៅក្នុងចំណោមក្រុមហ៊ុនផលិត Notebook កំពូលទាំង 5 ដែលមានចំណែកទីផ្សារចំនួន 6.6% នៅក្នុងត្រីមាសទី 1 ឆ្នាំ 2020 នេះ។ ការនាំចេញរបស់ក្រុមហ៊ុននេះ គឺមានចំនួន 2.5 លានគ្រឿង ដែលប្រហែលជាកុំព្យូទ័រលេងហ្គេមដែលមានទីផ្សាររឹងមាំខ្លាំងមែនទែន។
មកទល់នឹងពេលនេះ ក្រុមហ៊ុន ASUS បានធ្វើការអាប់ដេតទៅលើកុំព្យូទ័រលេងហ្គេមរបស់ខ្លួនជាមួយនឹងវត្តមានរបស់កុំព្យូទ័រលេងហ្គេម Flying Fortress 8 Gaming Laptop។ កុំព្យូទ័រលេងហ្គេម ASUS Flying Fortress 8 Gaming Laptop នេះគឺមានអេក្រង់ទំហំ 15.6-inch ជាមួយនឹងកម្រិត 144Hz refresh rate និងកម្រិតភាពច្បាស់ 1080p ។ សម្រាប់កុំព្យូទ័រ Notebook នេះប្រើប្រាស់នូវបន្ទះឈីប Intel Core i5 និង i7 processors ជំនាន់ទី 10 ។ ក៏មានបន្ទះឈីប Core i5-10300H រួមជាមួយនឹង version Core i7-10750H ផងដែរ។
កុំព្យូទ័រនេះប្រើប្រាស់នូវក្រាហ្វិកកាត NVIDIA GTX 1650 ។វាក៏មានក្រាហ្វិកកាត GTX 1650 Ti និង GTX 1660 Ti ផងដែរ។ វាក៏មានម៉េមូរីទំហំ 8GB DDR4 និង 512GB Solid State Drive ។ វាក៏មានជម្រើសម៉េមូរីទំហំ 16GB RAM និងមានការ upgrade ទៅលើ SSD របស់វាផងដែរ។ បើនិយាយអំពីការឌីស្សាញរបស់កុំព្យូទ័រលេងហ្គេម Flying Fortress 8 នេះគឺពិតជាស្រស់ស្អាតខ្លាំងក្លាមែនទែន។
កុំព្យូទ័រនេះ មានភ្ជាប់ជាមួយនឹង Keyboard RGG Backlight ដែលមានគម្លាត Key របស់វា 1.8mm ។ សម្រាប់ការភ្ជាប់ទំនាក់ទំនងនេះគឺមាន network cable interface, 1x HDMI 2.0b interface, 3x USB-A ports និង 1x USB-C port ផងដែរ។ កុំព្យូទ័រលេងហ្គេម Flying Fortress 8 នេះគឺមានតម្លៃ 5899 yuan (~$830) ។ វានឹងដាក់លក់នៅក្នុងប្រទេសចិនតាមរយៈវេបសាយ JD.com ចាប់ពីថ្ងៃទី 18 ខែឧសភានេះ៕