ថ្មីៗនេះ ក្រុមហ៊ុន Sony ទើបតែប្រកាសចេញនូវកាមេរ៉ាស៊េរីថ្មី A7R IV full-frame mirrorless ដ៏ស្រស់ស្អាតរបស់ខ្លួន។ វាគឺជាជំនាន់បន្ទាប់នៃកាមេរ៉ា A7R III ដ៏ពេញនិយមបំផុត ហើយវាអាចធ្វើការផ្តិតរូបភាពជាមួយនឹងគុណភាពច្បាស់ស្រស់ស្អាតបំផុតដែលអ្នកអាចទទួលបានពីកាមេរ៉ាឌីជីថលរបស់ក្រុមហ៊ុន Sony នេះ។ កាមេរ៉ានេះ A7R IV គឺមានការបដិវត្តន៍ថ្មីពីកាមេរ៉ា A7R III ដែលមានកាមេរ៉ាត្រឹមតែ 42.4MP ដែលធ្វើការបង្កើនទៅដល់ទំហំ 61MP នោះ។
តាមការបញ្ជាក់របស់ក្រុមហ៊ុនបច្ចេកវិទ្យា Sony នេះគឺជាសេនស័រ 35mm full-frame back-illuminated CMOS image sensor ដំបូងបំផុតដែលមានកម្រិតភាពច្បាស់នេះ។ សម្រាប់ការឌីស្សាញនេះនឹងធ្វើអោយមានការកាត់បន្ថយទៅលើសំឡេងរបស់វាថែមទៀតផង។ សម្រាប់សេនស័រនេះគឺមានភ្ជាប់ជាមួយនឹងស្ថេរភាពរូបភាព 5-axis optical ថែមទៀត។ សម្រាប់សេនស័រថ្មីនេះ គឺមានភ្ជាប់ជាមួយនឹងអេក្រង់ .76 million dot UXGA OLED EVF ថ្មីដែលមានកម្រិតភាពច្បាស់ 1.6x នៃ EVF បើធៀបជាមួយនឹងកាមេរ៉ា A7R III នេះ។ វាអាចមានកម្រិតស្តង់ដាររូបភាពច្បាស់ដល់ទៅ 60fps ឬ 120fps refresh rate ថែមទៀត។
កាមេរ៉ានេះ ក៏មានការពង្រឹងទៅលើ Pixel Shift Multi Shooting mode ដែលអាចមានកម្រិតភាពច្បាស់ដល់ទៅ 16 full-resolution images ដើម្បីបង្កើតទិន្នន័យច្រើនជាង 963.2MP ដោយប្រើប្រាស់នូវកម្មវិធី desktop application របស់ក្រុមហ៊ុនបច្ចេកវិទ្យា Sony នេះ។ នេះអនុញ្ញាតអោយអ្នកទទួលបាននូវកម្រិតភាពច្បាស់ខ្ពស់មែនទែនក្នុងការប្រើប្រាស់។ កាមេរ៉ា A7R IV នេះអាចធ្វើការថតរូបភាពនៅក្នុងកម្រិតរូបភាព 61MP នៅក្នុងកម្រិត 10fps ជាមួយនឹង AF/AE tracking រហូតដល់ទៅ 7 វិនាទីប្រហែលជា ៣ ដងនៅក្នុង 26.2MP APS-C mode ។ វាក៏មានភ្ជាប់ជាមួយនឹង 567 phase detection AF points ដែលមាន 74% នៃរូបភាពជាមួយនឹងចំនុច 425 contrast AF points ។ កាមេរ៉ានេះក៏ភ្ជាប់ជាមួយនឹង real time eye AF ដែលអាចធ្វើការផ្តោតទៅលើអ្វីដែលមានចលនាបានថែមទៀត។
សម្រាប់ការផលិតវីដេអូនោះ កាមេរ៉ា A7R IV នេះទ្រទ្រង់នូវការថតវីដេអូកម្រិត 4K ដែលប្រើប្រាស់នូវ Full Width នៃសេនស័រនេះនៅក្នុង Super 35mm mode ។ Sony's S-Log 2 និង S-Log 3 modes គឺភ្ជាប់ជាមួយនឹងកម្រិតពណ៌ 14-stops dynamic range នៅក្នុង S-Log 3 ថែមទៀត។ សម្រាប់ HLG ក៏ទ្រទ្រង់នៅលើ HDR នេះផងដែរ។ កាមេរ៉ា A7R IV នេះក៏មានមុខងារ eye tracking AF សម្រាប់វីដេអូជាលើកដំបូងបំផុតនក្នុងកាមេរ៉ារបស់ក្រុមហ៊ុន Sony នោះ។ វាអនុញ្ញាតអោយកាមេរ៉ាធ្វើការតាមដានទៅលើការផ្តោតទៅលើ Subject អ្វីមួយខណៈពេលដែលវីដេអូនេះត្រូវបានថត និងមានការផ្តោតជានិច្ច។
សម្រាប់មុខងារជាច្រើនទៀត គឺផ្តោតទៅលើការពង្រឹងទៅលើការធន់ទៅនឹងអាកាសធាតុ អេក្រង់ Touchscreen ម៉េមូរី Dual UHS-II និងប្រព័ន្ធ digital audio interface សម្រាប់ Multi Interface Shoe, dual-band Wi-Fi និង USB Type-C 3.2 Gen 1 របស់កាមេរ៉ានេះ។ កាមេរ៉ានេះ A7R IV នេះ បញ្ចូលថាមពលថ្មម្តងអាចធ្វើការថតបាន 670 សន្លឹក ហើយវាមានតម្លៃ $3500។ កាមេរ៉ានេះអាចរកទិញបាននៅក្នុងសហរដ្ឋអាមេរិកចាប់ពីខែកញ្ញាឆ្នាំ 2019 ខាងមុខនេះ៕
