ថ្មីៗនេះ ក្រុមហ៊ុនបច្ចេកវិទ្យា LG Electronics បានប្រកាសចេញនូវ Soundbar ថ្មីបំផុតរបស់ខ្លួន ដែលមានការឌីស្សាញឡើងសម្រាប់ការកម្សាន្តនៅក្នុងគេហដ្ឋានជាមួយនឹងបទពិសោធន៍ដ៏ល្អឥតខ្ចោះ និងប្រកបដោយស្ទាយ៍ទាក់ទាញបំផុតក្នុងការប្រើប្រាស់ជាមួយនឹងទូរទស្សន៍ប្រណិតរបស់អ្នក។ សម្រាប់ LG GX soundbar នេះ គឺអាចផ្តល់នូវសំឡេងយ៉ាងល្អឥតខ្ចោះ បច្ចេកវិទ្យាកម្រិតខ្ពស់ និងការឌីស្សាញប្រកបដោយភាពទាក់ទាញ ស្រស់ស្អាតក្នុងការប្រើប្រាស់ជាមួយនឹងទូរទស្សន៍ GX Gallery OLED series TVs ចុងក្រោយបំផុតរបស់ LG ថែមទៀតផង។
GX soundbar នេះ គឺជាដៃគូដ៏ល្អក្នុងការប្រើប្រាស់ជាមួយនឹងទូរទស្សន៍ Gallery series OLED TVs របស់ក្រុមហ៊ុន LG ។ សម្រាប់ Soundbar នេះ អាចភ្ជាប់នៅលើជញ្ជាំងក្រោមទូរទស្សន៍ និងទ្រទ្រង់នូវជើងទម្ររបានថែមទៀតផង។ ឧបករណ៍នេះ មានវិមាត្រ 15Hx144.6W x 3.25D cm សម្រាប់ GX soundbar នេះគឺមានភាពល្អឥតខ្ចោះក្នុងការប្រើប្រាស់ជាមួយនឹងទូរទស្សន៍ 65-inch LG GX Gallery series TV ។
LG GX soundbar ផ្តល់នូវសំឡេងកម្រិតខ្ពស់នេះ គឺដោយសារតែបច្ចេកវិទ្យា Dolby Atmos និង DTX: S សម្រាប់ការចាប់សំឡេង ៣ មុំថែមទៀត។ សម្រាប់ Speaker នេះគឺជា Dolby Vision ដែលលឺខ្លាំង និងពិរោះក្នុងការប្រើប្រាស់។
សម្រាប់ soundbar នេះគឺងាយស្រួលក្នុងការតភ្ជាប់តាមរយៈ enhanced audio return channel (eARC) និង Bluetooth ។ eARC ផ្តល់នូវសំឡេង Audio Formats កម្រិតខ្ពស់ដូចជា Dolby True HD និង DTS Master Audio ខណៈពេលដែល Bluetooth ផ្តល់នូវភាពងាយស្រួលក្នុងការតភ្ជាប់ទៅកាន់ស្មាតហ្វូន ឬថេប្លេតរបស់អ្នក។
បន្ថែមពីនេះទៀតនោះ LG GX Soundbar នេះ ក៏ទទួលបាននូវវិញ្ញាបនបត្រ Hi-Res Audio និង 24bit/96kHz ថែមទៀតផង។ ឧបករណ៍ថ្មីនេះ ក៏មានការបន្ថែមនូវមុខងារ LG AI Sound Pro សម្រាប់ធ្វើការកំណត់ទៅលើ sound settings ដ៏ល្អបំផុតផងដែរ។ សម្រាប់ LG GX Soundbar ថ្មីនេះ នឹងបង្ហាញខ្លួននៅក្នុងខែនេះ នៅអ៊ឺរ៉ុប អាមេរិកខាងជើង អាស៊ី និងទីផ្សារសំខាន់ៗជាច្រើនទៀត៕
