ក្រុមហ៊ុន ASUS បានប្រកាសចេញលក់កុំព្យូទ័រយួរដៃស៊េរីថ្មីម៉ូដែល VivoBook K15 OLED ជាផ្លូវការណ៍នៅទីផ្សារប្រទេសឥណ្ឌាជាមួយតម្លៃខ្ទង់ $638 ដែលជាតម្លៃសមរម្យបំផុតសម្រាប់កុំព្យូទ័រយួរដៃដែលមានអេក្រង់ OLED។ VivoBook K15 OLED ត្រូវបានក្រុមហ៊ុនធ្វើការរចនាផលិតឡើងជាមួយនូវគុណភាពខ្ពស់ក្នុងការប្រើប្រាស់ជាមួយគុណតម្លៃដ៏ល្អបំផុត។
ម៉ាស៊ីនកុំព្យូទ័រយួរដៃស៊េរីថ្មីនេះមានជម្រើសម៉ាស៊ីនពីរផ្សេងគ្នាដោយមួយប្រើ CPU Intel-Core ជំនាន់ទី 11 និងមួយទៀតប្រើ CPU AMD Ryzen 5000 Series។ VivoBook K15 មានអេក្រង់ទំហំ 15.6 អ៊ីញជាអេក្រង់ OLED ដែលរចនាឡើងជា NanoEdge Display គាំទ្រកម្រិតបង្ហាញ Full-HD នៅលើផ្ទៃបង្ហាញចេញសរុប 85% screen to body ratio មានបច្ចេកវិទ្យាចាក់ទឹកពណ៌ 100% DCI-P3 Color gamut និងមានមុខងារការពារភ្នែកដែលទទួលស្គាល់ដោយស្ថាប័ន TUV Rheinland របស់អាល្លឺម៉ង់ថែមទៀតផង។
Asus VivoBook K15 OLED មានរ៉េមទំហំចាប់ពី 8GB ដល់ 16GB និងថាសរឹងផ្ទុកទិន្នន័យប្រភេទ SSD ទំហំចាប់ពី 256GB ដល់ 512GB ហើយក៏មានជម្រើសជាមួយប្រភេទ HDD+SSD ផងដែរ។ ហើយនៅលើផ្នែកខាងក្រៅរបស់កុំព្យូទ័រយួរដៃស៊េរីថ្មីនេះគឺមានភ្ជាប់ជាមួយមុខងារសំខាន់ៗដូចជា រន្ធដោត USB 3.2/USB 2.0, HDMI, Headphone jack, MicroSD និង MicroSD 4.0 card reader ជាដើម។ បន្ថែមពីនេះ Asus VivoBook K15 OLED នៅមានភ្ជាប់ប្រើជាមួយផ្ទាំងក្តារចុចជាប្រភេទ Backlit Chiclet 1.4mm Key-travel Keyboard ជាមួយ Num-key មានប្រព័ន្ធកាមេរ៉ាវ៉ិបខេមកម្រិត HD-720px គាំទ្របច្ចេកវិទ្យា Wi-Fi 6 និងគាំទ្រការដំឡើងជាមួយ Microsoft windows 10/10 Pro។ ម៉ាស៊ីនកុំព្យូទ័រយួរដៃស៊េរីថ្មីនេះមានទំងន់ស្រាលល្មមត្រឹម 1.8 គីឡូក្រាមប៉ុណ្ណោះ។
Asus VivoBook K15 OLED នឹងចាប់ផ្តើមចេញដាក់លក់ផ្លូវការណ៍ចាប់ពីថ្ងៃទី 03 ខែតុលា ស្អែកនេះទៅតាមរយះបណ្តាញចែកចាយ Flipkart, Amazon និង ASUS Exclusive Stores៕
