ក្រុមហ៊ុន DJI បានប្រកាសចេញនូវកាមេរ៉ាកុនថ្មីដែលមានភ្ជាប់ជាមួយនឹងមុខងារ Gimbal, LiDAR ហើយនិងមានសមត្ថភាពអាចថតនៅក្នុងកម្រិត 8K ថែមទៀតផង។ សម្រាប់សេនស័រ LiDAR Rangefinder Sensor អាចចាប់រូបភាពច្បាស់ជាងមុន លឿនជាងមុន និងស្ថេរភាពជាងមុននៅក្នុងការថតនៅពេលយប់ផងដែរ។
កាមេរ៉ាកុននេះ គឺមានឈ្មោះថា Ronin 4D ដែលផ្តោតទៅលើអ្នកប្រើប្រាស់អាជីព។ ក្រុមហ៊ុនផលិតកាមេរ៉ាដ្រូនដ៏ធំរបស់ចិននេះ គឺមានជំនាញក្នុងការផលិតទៅលើ Drone។ សម្រាប់ Ronin 4D នេះ ក៏នឹងមាន ND filters នៅក្នុងការគ្រប់គ្រងទៅលើ Exposure នៅក្រោមពន្លឺព្រះអាទិត្យផងដែរ។
ក្រុមហ៊ុនបានបន្តថា សម្រាប់ម៉ូឌែល 6K គឺនឹងអនុញ្ញាតអោយថតនៅក្នុងកម្រិត6K និង 4K នៅក្នុងកម្រិត 120fps។ សម្រាប់ម៉ូឌែល 8K គឺមានកម្រិត 75fps ដែលអាចថតនៅក្នុងកម្រិតភាពច្បាស់ 8K។ កាមេរ៉ានេះអាចថត RAW, 422HQ ឬ H.264 formats ។ កាមេរ៉ា 6K version នេះ មានតម្លៃ 7,199 US ខណៈពេលដែល 8K version គឺមានតម្លៃ 11,499 US ៕
