បច្ចុប្បន្ននេះ ក្រុមហ៊ុន Toshiba បានកំពុងតែស្ថិតនៅក្នុងដំណើរការនៃការស្វែងរកដើមទុនជាទឹកប្រាក់រាប់ពាន់លានដុល្លារអាមេរិក ដើម្បីជៀសផុតពីបញ្ហានៃការលុបឈ្មោះចេញពីបញ្ជីពាណិជ្ជកម្ម Tokyo Stock Exchange នេះ បើតាមការបញ្ជាក់របស់សារព័ត៌មាន Reuters នៅដើមសប្តាហ៍នេះ។ ក្រុមហ៊ុនបច្ចេកវិទ្យានេះ ត្រូវបានគេរាយការណ៍ថា បានកំណត់នូវការប្រជុំក្រុមប្រឹក្សាភិបាលនៅថ្ងៃច័ន្ទនេះ ដើម្បីធ្វើការវិនិយោគទឹកប្រាក់ 5.3 ពាន់លានដុល្លារអាមេរិកដើម្បីធានាទៅលើស្ថានភាពនៃក្រុមហ៊ុនពាណិជ្ជកម្មមួយបើទោះបីជាការស្នើរសុំទៅកាន់ក្រុមហ៊ុនផលិតបន្ទះឈីបរបស់ខ្លួនមានការបោះបង់ចោលផងដែរ។
នៅក្នុងខណៈពេលនៃប្រតិបត្តិការមុននេះ គឺមានចំនួនដល់ទៅ 18 ពាន់លានដុល្លារអាមេរិក នឹងមានចំនួនតិចជាងនេះ ដើម្បីជៀសផុតពីការលុបបញ្ជីនៅក្នុងថ្ងៃទី 1 ខែមេសា ឆ្នាំ 2018 ដែលមានទឹកប្រាក់ប្រហែលជា 6.68 ពាន់លានដុល្លារអាមេរិក។ ពាក្យចចាមអារ៉ាមនៃការវិនិយោគនេះ ត្រូវបានគេដឹងថាជាប់ទាក់ទងទៅនឹងផ្នែកនៃកុំព្យូទ័រផ្ទាល់ខ្លួនរបស់ក្រុមហ៊ុន Toshiba ផងដែររួមជាមួយនឹងអាជីវកម្មទូរទស្សន៍ដែលត្រូវគេរំពឹងថានឹងដាក់លក់នៅក្នុងរយៈពេលប៉ុន្មានខែខាងមុខនេះ។ ដោយសារតែវិសាលភាប និងតម្លៃរបស់អាជីវកម្មនេះនៅមានទំហំតូចនោះ ក្រុមហ៊ុន Toshiba សង្ឃឹមថា ការលក់របស់ពួកគេនឹងមានចំនួនច្រើនជាងអាជីវកម្ម NAND Semiconductor នេះបើតាមការបញ្ជាក់អំពីរបាយការណ៍មុននេះ។
គម្រោងថ្មីរបស់ក្រុមហ៊ុននេះ បានដោះស្រាយនូវបញ្ហានៃវិបត្តិហិរញ្ញវត្ថុ។ សម្រាប់ទ្រព្យសកម្មរបស់ក្រុមហ៊ុន Toshiba ក៏នឹងមានការវិនិយោគទឹកប្រាក់ចំនួន 5.3 ពាន់លានដុល្លារអាមេរិក។ បន្ទាប់ពីការក្ស័យធននៅក្នុងអាជីវកម្ម Westinghouse Electric Company នៅក្នុងសហរដ្ឋអាមេរិកនៅដើមឆ្នាំ 2017 នេះ ក្រុមហ៊ុន Toshiba បានចាកចេញដោយមិនមានលទ្ធភាពក្នុងការគ្រប់ដណ្តប់ទៅលើការខាតបង់ជាមួយនឹងប្រាក់កម្ចីដោយសារតែក្រុមហ៊ុនទទួលរងការដាក់ទណ្ឌកម្មបណ្តោះអាសន្នមួយបន្ទាប់ពីរឿងអាស្រូវគណនីយ្យឆ្នាំ 2015 ខណះពេលដែលប្រាក់ចំនូលរបស់ក្រុមហ៊ុនគឺ 1.2 ពាន់លានដុល្លារអាមេរិក ហើយលោក Hisao Tanaka ក៏លាលែងពីដំណែងអគ្គនាយករបស់ក្រុមហ៊ុននេះផងដែរ។ ស្របពេលដែលការលក់អាជីវកម្មផ្នែកភាគហ៊ុនរបស់ក្រុមហ៊ុននេះ អាចបង្កើនទឹកប្រាក់របស់ក្រុមហ៊ុនពីការជៀសផុត ពីប្រាក់ចំណូលអវិជ្ជមានរយៈពេល 2 ឆ្នាំជាប់គ្នានោះ ក្រុមហ៊ុន Toshiba ក៏លើកឡើងអំពីការព្រួយបារម្ភជាច្រើនទៀតសម្រាប់ក្រុមហ៊ុនផងដែរ៕
