កាលពីម្សិលមិញនេះ ក្រុមហ៊ុន NVIDIA បានប្រកាសចេញនូវ ក្រាហ្វិកកាតប្រភេទ Quadro ជំនាន់ថ្មីដ៏អស្ចារ្យបំផុតមួយ ដែលមានសមត្ថភាពអាចជុំរុញឱ្យដំណើរការកម្មវិធីកាន់តែមានល្បឿនលឿន និងមានគុណភាព ព្រមទាំងប្រសិទ្ធិភាពល្អជាងមុន។ ជាមួយនឹងវត្តមានផលិតផលថ្មីនេះ ក្រុមហ៊ុន NVIDIA បានធ្វើការពង្រឹងទៅលើ RTX ជាមួយនឹងបច្ចេកវិទ្យា AI ថ្មី ដើម្បីគ្រប់គ្រង អោយបានពេញលេញទៅលើសមត្ថភាពរបស់ Turing។ ក្រាហ្វិកកាតប្រភេទ Quadro ជំនាន់ថ្មីនេះ មានការរចនារូបរាង រួមនឹងការពិសោធន៍ពិតជាក់ស្តែង ជាមួយនឹងការប្រើប្រាស់នូវ Visual Effects ដែលមើលទៅ គឺពិតជាមានល្បឿនលឿន ដែលមិនធ្លាប់មានពីមុនមកនោះទេ។
បច្ចេកវិទ្យាស្នូលសំខាន់ៗ៖
ការធ្វើដំណើរនៃពន្លឺ Ray tracing ៖ មុខងារថ្មីនេះ អាចធ្វើអោយដំណើរនៃការ Render គុណភាពដូចគ្នាទៅនឹងរោងកុនក្នុងកម្រិត Real-Time តាមរយៈការប្រើប្រាស់នូវ Ray Tracing APIs របស់ Turing ដូចជា NVIDIA OptiX, Microsoft DXR និង Vulkan។ វាបានបង្ហាញពីសមត្ថភាពនៅក្នុងការ Render ទៅលើរូបភាពនៅក្នុង Real-Time ជាមួយនឹងការផ្តល់នូវ Shadows ដ៏ត្រឹមត្រូវបំផុត ការចាំងផ្លាត ដែលធ្វើឱ្យអ្នករចនាម៉ូដអាចធ្វើការបង្កើតនូវ Content ដ៏អស្ចារ្យកាន់តែលឿនជាងមុន។
បច្ចេកវិទ្យា AI-Accelerated Features ៖ មុខងារថ្មីនេះ អាចអោយអ្នកប្រើប្រាស់ភ្ជាប់ទំនាក់ទំនងជាមួយនឹង NGX SDK ថ្មីក្នុងការបញ្ចូលនូវសមត្ថភាពនៃ AI ទៅក្នុងកម្មវិធី visual applications ។ វាជួយបង្កើនល្បឿនទៅលើភាពច្នៃប្រឌិតសម្រាប់សិល្បករ និងអ្នករចនាជាច្រើនក្នុងការចំណេញពេលវេលា និងធនធានតាមរយៈការរៀបចំដ៏ឆ្លាតវៃទៅលើរូបភាព ស្វ័យប្រវត្តិកម្មនៃការងារ និងការបង្កើនទៅលើប្រសិទ្ធិភាពនៃដំណើរការប្រតិបត្តិនេះ។
ការបង្កើនល្បឿនលឿន Simulation៖ មុខងារថ្មីនេះ គឺអាចជួយបង្កើនកម្រិតព័ណ៍ថ្មីសម្រាប់ Turing នៅក្នុងការដាក់ស្រមោលទៅលើកម្មវិធីជាច្រើនដូចជាការប្រើប្រាស់នូវ variable-rate shading, texture-space shading និង multi-view rendering។ មុខងារទាំងនេះ អនុញ្ញាតឱ្យធ្វើការបង្កើតនូវ Visuals កាន់តែច្បាស់ និងងាយស្រួលជាងមុនជាមួយនឹងការពង្រឹងទៅលើឈុតឆាក និងការពង្រឹងទៅលើមុខងារ VR ថែមទៀត។
ការប្រើប្រាស់មុខងារ SIMULATION ៖ មុខងារថ្មីនេះអាចផ្តល់នូវភាពងាយស្រួលនៅក្នុងការប្រើប្រាស់នូវ Visuals ដែលអាចបង្ហាចេញនូវលទ្ធផលល្អ គឺមិនត្រឹមតែអស្ចារ្យនោះទេ ប៉ុន្តែថែមទាំងមានភាពអស្ចារ្យជាមួយនឹងការប្រើប្រាស់នូវ Turing CUDA cores និង APIs ដូចជា NVIDIA’s PhysX, FleX និង CUDA 10។ ម្យ៉ាងទៀត មុខងារនេះ អាចធ្វើការដំណើរការនៅលើ Real-Time Objects មានភាពត្រឹមត្រូវទៅលើចលនានៃហ្គេម រួមជាមួយនឹងការប្រើប្រាស់នូវ Virtual និង Effects ជាច្រើនទៀត។
មុខងារ Asset Interchange ៖ មុខងារមួយ គឺអាចទ្រទ្រង់នៅក្នុងស្តង់ដារនៃឧស្សាហកម្មជាច្រើនដូចជា Universal Scene Description (USD) ចេញពី Pixar និង open-source NVIDIA Material Definition Language (MDL) ក្នុងការផ្តល់នូវប្រសិទ្ធិភាពរវាងកម្មវិធី Applications និងផលិតភាពសម្រាប់អ្នករចនា និងអ្នកសិល្បៈផងដែរ៕
