យោងតាមព័តមានថ្មីមួយបញ្ជាក់ថា ក្រុមហ៊ុន vivo បានកំពុងរៀបចំដាក់បង្ហាញស្មាតហ្វូនថ្មី ដែលត្រូវបានគេហៅថា vivo V11។ ពេលនេះ មានការបែកធ្លាយរូបថត និងលក្ខណៈពិសេសរបស់ស្មាតហ្វូននេះ។ រូបភាពពិតៗរបស់ទូរស័ព្ទនេះ ត្រូវបានគេបង្ហើបតាមគេហទំព័រ បេឡារុស្ស បន្ទាប់មកតាមរូបភាពលំអិត នៃ Waterdrop Notch ពីប្រទេសរុស្ស៊ី។ លក្ខណៈពិសេសនៃទូរស័ព្ទនេះ ត្រូវបានបង្ហាញចេញផងដែរ ដោយនឹងមានមុខងារស្កេនក្រយ៉ៅដៃ Under-Display Fingerprint Scanner, បន្ទះឈីប Snapdragon 660 និងកាមេរ៉ា Flagship-Tier។
vivo V11 ត្រូវបានគេរំពឹងទុកថា មានអេក្រង់ AMOLED ទំហំ 6,4 អ៊ីង ជាមួយនឹង Full HD+Resolution និងមានកម្រិតខ្ពស់នៃ ratio 19,5: 9 ។ បន្ទះឈីបនៅក្នុងទូរស័ព្ទនេះ ភ្ជាប់មកជាមួយស៊ីភីយូ Octa-Core ដែលមានល្បឿនរហូតដល់ទៅ 2.2GHz ។ បង្គំនៃអង្គចងចាំត្រូវបានរាយក្នុងបញ្ជីមាន 6/128GB ប៉ុន្តែមានរន្ធដោតកាត microSD ដែលអាចឱ្យអ្នកដំឡើងដល់ 256GB។
នៅពេលយើងនិយាយថា "កាមេរ៉ា Flagship -tier" យើងមានន័យថា កាមេរ៉ាភ្លោះ 12MP+5 MP មានលក្ខណៈដូចគ្នានឹងស៊េរី X21 និង vivo NEX។ កាមេរ៉ាស្មាតហ្វូននេះ មានកម្រិត f / 1.8 aperture នៅលើ Main កាមេរ៉ា។ ចំណែកកាមារ៉ាខាងមុខ ដែលគេនិយមហៅថា Selfie Camera មានទំហំ 25 មេហ្គាភិចសែល ដែលត្រូវបានដាក់នៅក្នុង Waterdrop Notch។ លក្ខណៈពិសេសដែលលេចធ្លាយនេះ ក៏បង្ហាញផងដែរថា vivo V11 នឹងមានប្រព័ន្ធប្រតិបត្តិការ Android Oreo 8.1 ចេញពីប្រអប់តែម្តង និងមានថាមពលថ្ម 3,400 mAh និងបច្ចេកវិទ្យាស្គែនក្រយ៉ៅដៃ in-display Fingerprint Scanner។ វិមាត្រនៃទូរស័ព្ទគឺ 157,9x75x7,9mm និងទំងន់គឺ 156 ក្រាម៕
