Mercedes-AMG បានត្រៀមខ្លួនក្នុងការបង្ហាញវត្តមានរថយន្តស៊េរី A-Class ដ៏ថ្មីស្រឡាងរបស់ខ្លួនជាមួយនឹងម៉ាក A35 4MATIC ដែលជារថយន្ត Hatch ស៊េរីថ្មីដ៏ស្រស់ស្អាតប្រើប្រាស់នូវម៉ាស៊ីន 2.0-liter four-cylinder turbo ដែលមានកម្លាំងដល់ទៅ 306 សេះ និងកម្លាំងរមួល 295 lb-ft ចង្កឹះលេខ 7 វគ្គ រួមជាមួយនិងប្រព័ន្ធ 4Matic all-wheel-drive system ផងដែរ។
ក្រុមហ៊ុន Mercedes បាននិយាយថា ការតម្លើងម៉ាស៊ីននេះ នឹងធ្វើអោយរថយន្ត A35 ចាប់ផ្តើមចេញពី 0-62mph នៅក្នុងល្បឿន 4.7 វិនាទី និងការបង្កើនល្បឿនដល់ទៅ 155mph។ បើក្រឡេកមើលទៅលើម៉ាស៊ីនរបស់រថយន្តនេះគឺពិតជាមិនធម្មតានោះទេ ពិសេស គឺឥទ្ធិពលនៃហ្វាំងរបស់វាតែម្តង។ រថយន្តនេះ ក៏មានប្រើប្រាស់នូវប្រព័ន្ធ AMG Ride Control suspension ជាមួយនឹងអាលុយមីញ៉ូមស្រាលថែមទៀតផង។
នៅលើរថយន្តនេះ គឺមានការ Upgrade ទៅលើប្រព័ន្ធចង្កូតរបស់វារួមជាមួយនឹង AMG exhaust និងប្រព័ន្ធ “Slippery” driving mode ដែលជួយការពាររថយន្តនេះ នៅពេលដែលមានស្ថានភាពរអិលតាមរយៈការកាត់បន្ថយទៅលើថាមពល និងការបង្កើនទៅលើកម្លាំងរមួលថែមទៀត ក្នុងនោះ ក៏មានការផ្លាស់ប្តូរជាច្រើនទៀតនៅផ្នែកខាងមុខ និងការដំណើរការនូវប្រព័ន្ធ ECO start/stop system។
បើសិនធ្វើការធៀបជាមួយនឹងរថយន្ត A-Class ម៉ូដែលផ្សេង ឃើញថា រថយន្ត A35 ស៊េរីថ្មីនេះ គឺមានលក្ខណៈពិសេសផ្សេងគ្នាដោយសារតែវាមានប្រើប្រាស់នូវកង់រថយន្តទំហំ 18-inch lightweight alloy wheels។ រថយន្ត Mercedes-AMG A35 នឹងបង្ហាញខ្លួននៅក្នុងព្រឹត្តិការណ៍តាំងពិពរណ៍ Paris Auto Show នៅសប្តាហ៍ក្រោយនេះ ហើយការចែកចាយសម្រាប់អតិថិជន គឺចាប់ផ្តើមពីខែមករា ឆ្នាំ 2019 ខាងមុខនេះ។ រថយន្ត Hatch ស៊េរីថ្មីនេះ នៅមិនទាន់ដាក់អោយដំណើរការនៅក្នុងសហរដ្ឋអាមេរិកនៅឡើយទេ ប៉ុន្តែរថយន្ត A35 នេះ គឺផ្អែកទៅលើរថយន្ត A-Class Sedan ដែលដាក់លក់សម្រាប់អតិថិជននៅក្នុងសហរដ្ឋអាមេរិចរួចហើយនោះ៕
