កាលពីម្សិលមិញនេះ Ice universe បានទម្លាយព័ត៌មាន(តាមរយៈ BGR) ដោយបានបង្ហាញអំពីសម្បកទូរស័ព្ទចំនួន 3 ជាមួយនឹងកន្លែងសម្រាប់ដាក់កាមេរ៉ាសម្រាប់ម៉ូដែលនីមួយៗរបស់ស្មាតហ្វូនម៉ូដែលនិមួយៗ។ ក្រឡេកទៅមើលសម្បកទូរស័ព្ទស្មាតហ្វូនស៊េរីថ្មី Samsung Galaxy S10 (6.1-inch) បានបញ្ជាក់ថា ស្មាតហ្វូននេះ គឺពិតជាមានកាមេរ៉ាខាងក្រោយដល់ទៅ 3 គ្រាប់ ប្រាកដមែន។ សម្រាប់សម្បកទូរស័ព្ទមួយទៀត ដែលបែកធ្លាយគឺស្មាតហ្វូន Huawei P30។ ស្មាតហ្វូន P30 នេះ គឺមានកាមេរ៉ាបញ្ឈរភ្លោះជាមួយនឹងភ្លើង Flash នៅខាងក្រោម។ សម្រាប់ការរចនារូបរាងខាងក្រោយរបស់ស្មាតហ្វូនស៊េរីថ្មី P30 នេះ គឺពិតជាមានរូបរាងប្រហាក់ប្រហែលគ្នាគ្រាន់តែវាមានកាមេរ៉ាដល់ទៅ 3 គ្រាប់។
តាមរយៈការទម្លាយរបស់ Universal ice និង Slashleaks ក៏បានទម្លាយនូវរូបភាពជាច្រើនសន្លឹករបស់សម្បកទូរស័ព្ទស៊េរីថ្មី Huawei P30 Pro ថ្មីនេះផងដែរ។ រូបភាពជាច្រើនកាលពីមុន និងរូបភាព Render ក្រោយនេះ បានបង្ហាញថា ស្មាតហ្វូននេះគឺមានប្រព័ន្ធកាមេរ៉ាបញ្ឈរដល់ទៅ 3 គ្រាប់នៅខាងក្រោយ និងភ្លើង Flash ផងដែរ។ សម្រាប់ស្មាតហ្វូន P20 Pro នេះ ក៏ប្រើប្រាស់នូវកាមេរ៉ាខាងក្រោយ 3 គ្រាប់បញ្ឈរ និងភ្លើង Flash តូចមួយនៅក្រោមកាមេរ៉ា Lens ទី 3 ផងដែរ។ ប្រសិនបើព័ត៌មានបែកធ្លាយនេះ គឺជាការពិតនោះ ការរចនាទៅលើកាមេរ៉ា និងភ្លើង Flash នេះ គឺពិតជាខុសប្លែកពីអ្វីដែលក្រុមហ៊ុន Huawei ធ្លាប់ប្រើប្រាស់នៅលើស្មាតហ្វូន P20 Pro ប៉ុន្តែមិនមានការរចនាខុសគ្នាដាច់ស្រឡះនោះទេអំពីការប្រើប្រាស់កាមេរ៉ា 3 គ្រាប់នៅខាងក្រោយ និងភ្លើង Flash មួយនៅលើស្មាតហ្វូន Mate 20 Pro នោះ៕