ក្រុមហ៊ុនបច្ចេកវិទ្យាយក្ស Samsung កំពុងតែធ្វើការប្រឡូកខ្លួនចូលទៅក្នុងដែនដីថ្មីមួយទៀត តាមរយៈស្មាតហ្វូនដែលអាចបត់បានរបស់ខ្លួន Galaxy Fold។ ការច្នៃប្រឌិតទៅលើស្មាតហ្វូនស៊េរីថ្មីនេះ គឺដើម្បីបំពេញតម្រូវការសម្រាប់អតិថិជនជាច្រើន ដែលចង់ស្វែងរកនូវផលិតផលថ្មីសម្រាប់ការប្រប្រាស់នោះ។ ថ្មីៗនេះ Samsung បានរៀបចំនូវព្រឹត្តិការណ៍ Unpacked របស់ខ្លួន ដើម្បីបង្ហាញនូវស្មាតហ្វូនស៊េរីថ្មីជាច្រើនរបស់ខ្លួន។ ក្រុមហ៊ុន Samsung ក៏បង្ហាញស្មាតហ្វនត្រកូល Galaxy S10 ហើយក៏មានបង្ហាញនូវការច្នៃប្រឌិតចុងក្រោយបំផុតរបស់ខ្លួនគឺស្មាតហ្វូនដែលអាចបត់បាន Galaxy Fold ផងដែរ។
ស្មាតហ្វូនស៊េរីថ្មីនេះ មានអេក្រង់ទំហំ 4.6-inch HD+ Super AMOLED display (21:9) នៅផ្នែកខាងក្រៅរបស់វា ហើយនៅពេលដែលវាបើកនោះគឺវាមានអេក្រង់ទំហំ 7.3-inch Dynamic AMOLED Infinity Flex Display ជា មួយនឹងកម្រិតភាពច្បាស់ QXGA+ resolution (4.2:3) ។ ស្មាតហ្វូននេះប្រើប្រាស់នូវបន្ទះឈីប 7nm, 64-bit processor, រ៉េមទំហំ 12GB LPDDR4x និងម៉េមូរីក្នុងម៉ាស៊ីនទំហំ 512GB(UFS 3.0) ហើយជាពិសេសស្មាតហ្វូននេះមានកាមេរ៉ា 6 គ្រាប់៖ 3 គ្រាប់នៅខាងក្រោយ 2 គ្រាប់នៅខាងក្នុង និង 1 គ្រាប់នៅខាងមុខ។
អ្វីដែលគួរអោយកត់សម្គាល់នោះ ស្មាតហ្វូននេះ មិនមានរន្ធដោត micro SD card slot នោះទេ។ កាមេរ៉ាខាងក្រោយរបស់ស្មាតហ្វូននេះគឺមានទំហំ 16-megapixel f/2.2 ultrawide camera, 12-megapixel wide-angle shooter ជាមួយនឹង f/1.5 – f/2.4 aperture, dual pixel AF និង optical image stabilization និង 12-megapixel telephoto f/2.4 aperture camera ភ្ជាប់ជាមួយនឹង OIS ផងដែរ។ កាមេរ៉ាខាងមុខរបស់ស្មាតហ្វូននេះគឺមានទំហំ 10-megapixel f/2.2 selfie និង 8-megapixel RGB depth ដែលមាន aperture f/1.9 ។ ស្មាតហ្វូនដែលអាចបត់បានរបស់ក្រុមហ៊ុនបច្ចេកវិទ្យា Samsung នេះគឺមានថាមពលថ្មពីរគ្រាប់ដែលមួយគ្រាប់ស្ថិតនៅមួយចំហៀងៗ។ វាមានថាមពលថ្មដែលមានទំហំ 4,380mAh។ Galaxy Fold ពិតជាអស្ចារ្យមែនទែនក្នុងការប្រើប្រាស់ដោយសារតែអេក្រង់របស់វាគឺជាប្រភេទ Infinity Flex Display ផ្តល់នូវកម្រិតភាពច្បាស់ខ្ពស់បំផុត។
ស្មាតហ្វូនដ៏អស្ចារ្យនេះភ្ជាប់ជាមួយនឹងកម្មវិធី Software ដ៏មានសមត្ថភាពខ្លាំងក្លា និងគួរអោយចង់ប្រើប្រាស់មែនទែននៅលើស្មាតហ្វូននេះ។ ក្រុមហ៊ុនបច្ចេកវិទ្យា Samsung ក៏ធ្វើការអភិវឌ្ឍទៅលើ UX សម្រាប់ស្មាតហ្វូន Galaxy Fold ដែលមានប្រយោជន៍នៅក្នុងការប្រើប្រាស់ទៅតាមគោលដៅផ្សេងៗគ្នាថែមទៀត។ ស្មាតហ្វូននេះក៏ភ្ជាប់ជាមួយនឹងមុខងារ “ultimate multitasker,” ដែលអាចដំណើរការកម្មវិធី 3 នៅក្នុងពេលតែមួយនៅលើអេក្រង់។ វាក៏មានភ្ជាប់ជាមួយនឹងមុខងារ App Continuity ដែលអាចធ្វើការផ្ទេរកម្មវិធីពីអេក្រង់ខាងមុខទៅកាន់អេក្រង់ Main Display ថែមទៀត។ ក្រុមហ៊ុន Samsung បញ្ជាក់ថា ស្មាតហ្វូននេះនឹងប្រើប្រាស់នូវប្រព័ន្ធប្រតិបត្តិការ Android 9.0 Pie ។ ស្មាតហ្វូនស៊េរីថ្មីSamsung Galaxy Fold នេះនឹងដាក់លក់នៅថ្ងៃទី 26 ខែមេសាជាមួយនឹងតម្លៃចាប់ផ្តើមគឺ $1,980។ ស្មាតហ្វូននេះមានពីរជម្រើសគឺ LTE និង 5G ហើយវាមានពណ៌ខ្មៅ ទឹកប្រាក់ បៃតង និងខៀវ៕