បើទោះបីជាមានមតិប្រឆាំងក៏ដោយ ក្រុមហ៊ុន DXOMark នៅតែមានកេរ្ត៍ឈ្មោះល្បីល្បាញនៅក្នុងការដាក់ពិន្ទុទៅលើកាមេរ៉ារបស់ស្មាតហ្វូនជាច្រើន។ ប៉ុន្តែមិនមែនគ្រប់ក្រុមហ៊ុនផលិតស្មាតហ្វូនទាំងអស់ មានការរំភើបចិត្តជាមួយនឹងការងាររបស់ក្រុមហ៊ុន DXOMark កំពុងតែធ្វើនេះទេ។ អនុប្រធានរបស់ក្រុមហ៊ុន Oppo លោក Brian Shen ថ្មីៗនេះ ចោទសួរថា តើវាពិតជាសំខាន់មែនទេសម្រាប់ការដាក់ពិន្ទុចេញពី DxOMark ទៅលើទីផ្សារស្មាតហ្វូនក្នុងពេលបច្ចុប្បន្ននេះ។
នៅក្នុងការបង្ហោះរបស់គាត់នៅលើ Weibo គាត់ធ្វើការចោទសួរហេតុផលថាហេតុអ្វីបានជាកាមេរ៉ារបស់ស្មាតហ្វូនត្រូវស្ថិតនៅក្នុងស្តង់ដារជាក់លាក់មួយនោះ។ នៅក្នុងគំនិតរបស់គាត់ វាមិនចាំបាច់មានស្តង់ដារជាក់លាក់នោះទេនៅពេលដែលនិយាយអំពីកាមេរ៉ានៅលើស្មាតហ្វូននោះ។ ផ្ទុយទៅវិញ លោកស្រី Sun Changxu មកពីក្រុមហ៊ុន Xiaomi ក៏ជាអ្នកវិភាគទីផ្សារមួយរូប បានចូលរួមថ្លឹងថ្លែងអំពីរឿងនេះ ដោយលោកស្រី បានជ្រើសរើសនូវចន្លោះប្រហោងជាច្រើននៅក្នុងគំនិតនេះដោយអះអាងថា ការធ្វើតេស្ត៍ទៅលើកាមេរ៉ា DXOMark គឺជារឿងដ៏ត្រឹមត្រូវ។ លោកស្រីបានបង្ហាញថា ក្រុមហ៊ុន DXOMark ត្រូវតែកំណត់ទៅលើស្តង់ដារយ៉ាងតឹងរឹងសម្រាប់សូចនាករជាច្រើននោះ។
លោកស្រីបាន ទម្លាយថា ក្រុមហ៊ុនផលិតស្មាតហ្វូនជាច្រើន គឺធ្វើការតេស្ត៍ទៅលើប៉ារ៉ាម៉ែត្រជាច្រើនជាលក្ខណៈសម្ងាត់ និងការធ្វើតេស្ត៍ទៅលើកាមេរ៉ាឈីបដែលក្រុមហ៊ុនបច្ចេកវិទ្យាផលិតស្មាតហ្វូនជាច្រើនបន្ទប់ពិសោធន៍ដែលជួយធ្វើការតេស្ត៍ទៅលើកាមេរ៉ានេះផងដែរ។ លោកស្រីបានធ្វើការប្រៀបធៀបការដាក់ពិន្ទុរបស់ DXOMark ទៅនឹងកូនសិស្សដែលបានធ្វើតេស្ត៍ការប្រលងចូលរៀននៅក្នុងមហាវិទ្យាល័យ ប៉ុន្តែនេះ មិនមែនជាការអួតអំពីពិន្ទុដែលទទួលបានល្អបំផុតនោះទេ។ ការធ្វើតេស្ត៍របស់ DXOMark នេះ គឺដូចជាវិញ្ញាសារនៃការប្រលងចូលដែលបង្ហាញថាតើកូនសិស្សនេះ ធ្វើបានល្អនៅក្នុងកម្រិតណានោះ។
គ្មានការសង្ស័យនោះទេ សម្រាប់គំនិតមួយនេះ ដែលបង្ហាញថា ក្រុមហ៊ុន Xiaomi គឺខិតខំយ៉ាងខ្លាំងក្នុងការពង្រឹងទៅលើសមត្ថភាពនៃប្រព័ន្ធកាមេរ៉ារបស់ស្មាតហ្វូនរបស់ខ្លួនពីមួយជំនាន់ទៅមួយជំនាន់ទៀតនោះ។ ក្រៅពីសមត្ថភាពខ្លាំងក្លានៅលើ DXOMark ហើយនោះ ការពង្រឹងទៅលើគុណភាពកាមេរ៉ានេះក៏ផ្តល់នូវបិទពិសោធន៍នៃការប្រើប្រាស់យ៉ាងអស្ចារ្យសម្រាប់អ្នកគាំទ្ររបស់ខ្លួនផងដែរ។ នេះប្រហែលជា ក្រុមហ៊ុនមួយនេះ ខិតខំធ្វើការពង្រឹងទៅលើសមត្ថភាពកាមេរ៉ារបស់ខ្លួនអោយស្របទៅតាមអ្វីដែលក្រុមហ៊ុន DXOMark ដាក់ពិន្ទុផងដែរ៕