អ្នកវិភាគ Ming-Chi Kuo របស់ក្រុមហ៊ុន KGI Securities ដែលតែងតែបញ្ចេញនូវថ្មីបែកធ្លាយរបស់ក្រុមហ៊ុន Apple នៅថ្ងៃនេះ បានបង្ហាញចេញនូវកំណត់ត្រាមួយទៀតសម្រាប់វិនិយោគិនថ្មី ដែលគាត់ផ្តល់នូវព័ត៌មានថ្មីបំផុត និងបានលម្អិតអំពីទូរស័ព្ទ iPhone នៅឆ្នាំនេះ។ នៅពេលនេះ លោក Kuo និយាយថា ទូរស័ព្ទ 6.1-inch LCD iPhone នឹងបង្ហាញខ្លួននៅឆ្នាំនេះ ដែលមានសមត្ថភាពអាចទ្រទ្រង់នូវប្រព័ន្ធស៊ីមពីរ និងមានតម្លៃតិចជាង $550 ឡើងទៅ។
នៅក្នុងកំណត់ត្រារបស់លោក Kuo បានពន្យល់យ៉ាងដូច្នេះថា ទូរស័ព្ទ 6.1-inch LCD iPhone អាចមានពីរម៉ូដែលសម្រាប់ជ្រើសរើសគឺមួយមានស៊ីមមួយ និងមួយទៀតប្រើប្រាស់ស៊ីមពីរ។ របាយការណ៍របស់លោក Kuo បានបន្ថែមនៅក្នុងសារព័ត៌មាន Bloomberg ថា ក្រុមហ៊ុនប Apple បាននឹងកំបុងតែពិចារណាក្នុងការប្រើប្រាស់នូវស៊ីមពីរសម្រាប់ទូរស័ព្ទ 6.5-inch OLED iPhone ផងដែរ។ សម្រាប់ទូរស័ព្ទ 5.8-inch OLED មិនមានការប្រើប្រាស់នូវស៊ីមពីរនោះទេ។
និយាយពីតម្លៃវិញរបស់ស្មាតហ្វូនទាំងនេះ ត្រូវបានក្រុមហ៊ុន KGI បញ្ជាក់ថា ទូរស័ព្ទ iPhone ស៊ីមពីរថ្មីនេះ អាចបង្កើតនូវតម្លៃផ្សេងគ្នាសម្រាប់ iPhone។ ក្រុមអ្នកវិភាគនានា ក៏បាននិយាយផងដែរថា សម្រាប់ម៉ូដែលស៊ីមមួយអាចលក់នៅក្នុងតម្លៃ $550 និង $650 ស្របពេលដែលម៉ូដែលស៊ីមពីរមានតម្លៃចាប់ពី $650 និង $750។ ដូចនេះ លោក Kuo បានកត់សំគាល់ថា សម្រាប់ម៉ូដែលស៊ីមមួយនេះ ពិតជាអាចជួយបង្កើនចំណែកទីផ្សារនៅក្នុងប្រទេសចិន និងទីផ្សារជាច្រើនទៀត។
លោក Kuo បានបញ្ជាក់ថា ការលក់ទូរស័ព្ទ 6.1-inch LCD iPhone ក៏មានការកើនឡើងផងដែរ។ លោកទស្សន៍ទាយថា ក្រុមហ៊ុន Apple អាចលក់ទូរស័ព្ទបានចំនួន 100 ទៅ 120 លានគ្រឿងនៅក្នុងត្រីមាសទី 3 ឆ្នាំ 2018 នេះ និងនៅក្នុងត្រីមាសទី 3 នៅឆ្នាំ 2019។ ក្រុមហ៊ុនបច្ចេកវិទ្យា Apple ត្រូវគេដឹងថា នឹងបញ្ចេញនូវម៉ូដែល iPhone ចំនួន 3 ស៊េរីគឺមានដូចជា 5.8-inch iPhone X, 6.1-inch LCD iPhone និង 6.5-inch OLED “iPhone X Plus” ។ តើអ្នកគិតដូចម្តេចដែរសម្រាប់ទូរស័ព្ទ 6.1-inch LCD iPhone ដែលមានតម្លៃថោកត្រឹមតែ $550?