ក្រុមហ៊ុន Lexus ប្រហែលជាហាក់ដូចជាប្រឡូកលឿនពេកនៅក្នុងបច្ចេកវិទ្យា hybrid នេះ ប៉ុន្តែសម្រាប់គំនិតនៃរថយន្តស៊េរីថ្មី Lexus LF-30 Electrified Concept នេះ មើលទៅពិតជាប្លែកអស្ចារ្យខ្លាំងមែនទែន។ កាលពីសប្តាហ៍មុននេះ នៅក្នុង ព្រឹត្តិការណ៍ Tokyo Motor Show 2019 គេសង្កេតឃើញថា វត្តមាននៃរថយន្តស៊េរីថ្មីនេះ គឺមានការឌីស្សាញប្លែក និងជាប្រភេទរថយន្តអេឡិចត្រូនិចថែមទៀតផង។ នៅក្នុងនោះ ក្រុមហ៊ុន Lexus ក៏មានរថយន្តជាប្រភេទ gas-electric versions ជាច្រើនម៉ូឌែលផងដែរ។
ក្រុមហ៊ុននេះ គឺមានប្រភេទរថយន្តជា Sedan, SUV ឬ Coupe ដែលមានការសន្សំសំចៃខ្ពស់ខ្លាំងមែនទែនទៅលើការប្រើប្រាស់ប្រេងឥន្ទនៈ។ រថយន្ត LF-30 Electrified Concept នេះ គឺស្ថិតនៅក្រោមបដានៃចក្ខុវិស័យ “Lexus Electrified” vision ដែលប្រើប្រាស់នូវ four in-wheel electric motors ។ ក្រុមហ៊ុន Lexus ក៏ប្រើប្រាស់នូវប្រព័ន្ធ steer-by-wire system និងប្រព័ន្ធ driving dynamics ថែមទៀតផង។ ជាមួយនឹងថាមពលថ្មទំហំ 400 kW គឺអាចដំណើរការនូវកម្លាំង 0-62 mph នៅក្នុងរយៈពេលត្រឹមតែ 3.8 វិនាទីប៉ុណ្ណោះ ហើយល្បឿនអតិបរិមារបស់វាគឺ 124 mph ។
រថយន្តស៊េរីថ្មីនេះ គឺមានដំបូលប្រភេទ “SkyGate” ដែលក្រុមហ៊ុន Lexus បានបញ្ជាក់ថា អាចប្រើប្រាស់ជាមួយនឹងបច្ចេកវិទ្យា AR ថែមទៀតផង។ រថយន្តនេះ ក៏ធ្វើការបញ្ចូលនូវថាមពលថ្មតាមរយៈ Wireless Pad ផងដែរ។ បច្ចេកវិទ្យា AI នៅលើរថយន្តនេះ ក៏អាចធ្វើការគ្រប់គ្រងទៅលើតារាងនៃកាលវិភាគក្នុងការបញ្ចូលថាមពលថ្មរបស់រថយន្តនេះផងដែរ។ រថយន្តអេឡិចត្រូនិច Lexus BEV (battery-electric vehicle) ដំបូងបំផុតនឹងធ្វើការប្រកាសបង្ហាញខ្លួននៅក្នុងខែវិច្ឆិកាខាងមុខនេះ ហើយវានឹងមានប្រភេទ plug-in hybrid (PHEV) ផងដែរ៕