នៅក្នុងបទសម្ភាសន៍ថ្មីៗនេះ អនុប្រធានជាន់ខ្ពស់របស់ក្រុមហ៊ុន Huawei លោកស្រី Joy Tan បាននិយាយថា ប្រព័ន្ធប្រតិបត្តិការ Harmony OS របស់ក្រុមហ៊ុន Huawei គឺមានកូដមួយចំនួនដែលមានសុវត្ថិភាពខ្ពស់បំផុតនៅលើប្រព័ន្ធនេះ។ របាយការណ៍មុននេះ ចេញពី Counterpoint Research បញ្ជាក់ថា ប្រព័ន្ធប្រតិបត្តិការ Harmony OS របស់ក្រុមហ៊ុន Huawei នឹងយកឈ្នះទៅលើប្រព័ន្ធប្រតិបត្តិការ Linux នៅចុងឆ្នាំ 2020នេះ ហើយវានឹងក្លាយជា OS ដែលមានការពេញនិយមបំផុតចំណាត់ថ្នាក់លេខ 5 របស់ពិភពលោក។
នៅក្នុងបទសម្ភាសន៍នេះ លោកស្រី Joy Tan បាននិយាយថា ប្រព័ន្ធប្រតិបត្តិការ Harmony OS នេះគឺមានទម្ងន់ស្រាល ជា OS ដែលមានមុខងារជាច្រើនដ៏ខ្លាំងក្លា។ បើធៀបជាមួយនឹង OS ផ្សេងទៀតនៅលើទីផ្សារនោះ វាក៏មានកូដមួយចំនួនដែលមានការការពារទៅលើសុវត្ថិភាពបានល្អជាង។ គោលដៅរបស់ OS ថ្មីនៃក្រុមហ៊ុន Huawei នេះគឺមានលក្ខណៈខុសគ្នាពី Android និង iOS ។ ក្រុមអ្នកអភិវឌ្ឍជាច្រើនធ្វើការអភិវឌ្ឍកម្មវិធីជាច្រើនតែ 1 លើកប៉ុណ្ណោះ ហើយកម្មវិធីទាំងនោះអាចនឹងប្រើប្រាស់បានច្រើននៅលើឧបករណ៍ជាច្រើន។
លោកស្រីបន្ថែមថា យើងបញ្ចេញនូវប្រព័ន្ធប្រតិបត្តិការ Harmony OS កាលពីប៉ុន្មានខែមុននេះ។ តាមការបញ្ជាក់របស់ Counterpoint Research ទម្លាយនៅក្នុងរបាយការណ៍របស់ពួកគេថា ប្រព័ន្ធប្រតិបត្តិការ Harmony operating system នេះនឹងមានការពេញនិយមខ្លាំងជាង Linux នៅចុងឆ្នាំ 2020 ខាងមុខនេះ។ OS នេះនឹងក្លាយជា OS ធំបំផុតចំណាត់ថ្នាក់ទី ៥ សម្រាប់ឧបករណ៍ឌីជីថលជាច្រើន។ តាមការបញ្ជាក់នៅក្នុងរបាយការណ៍ចេញពី Counterpoint នេះ ប្រព័ន្ធប្រតិបត្តិការ Harmony OS ឯករាជ្យរបស់ក្រុមហ៊ុន Huawei នេះនឹងទទួលបានចំណែកទីផ្សារ 2% នៅក្នុងឆ្នាំ 2020 នេះ។ ខណៈពេល OS បច្ចុប្បន្ននេះគឺ៖ 39% ជា Android; 35% ជា Windows; 13.87% ជា iOS; 5.92% ជា macOS; និង 0.77% ជា Linux។
សម្រាប់អ្នកដែលមិនដឹងនោះ ប្រព័ន្ធប្រតិបត្តិការ Harmony OS នេះប្រកាសបង្ហាញខ្លួននៅក្នុងខែសីហានៅក្នុងព្រឹត្តិការណ៍ HDC2019 ។ នៅលើ OS នេះ គឺមានការឌីស្សាញចេញពីគំនិតរបស់ “microkernel” ដែលមានលក្ខណៈខុសប្លែកពី “macrokernel” នៅលើ Android និង OS ជាច្រើនទៀត។ សម្រាប់ OS ដែលពឹងផ្អែកនៅលើ microkernel នេះគឺធ្វើការនៅលើ Hardware ផ្សេងៗគ្នាដែលធ្វើអោយល្បឿននៃការដំណើរការរបស់វាលឿនជាង QNX ឬ Google “Fuchsia” microkernel ទៅលើ real-time resource allocation ថែមទៀត៕