HP បញ្ចេញនូវ Notebook ថ្មី មានអេក្រង់ទំហំ 17 អ៊ីងកម្រិត 4K និងដំណើរការលើបន្ទះឈីប Intel Core i7 ជំនាន់ទី 10 និងមានមេម៉ូរីភ្លោះ

ក្រុមហ៊ុន HP បានធ្វើការបង្ហាញនូវ Notebook ថ្នាក់ប្រណិតថ្មីរបស់ខ្លួន ម៉ូដែល ENVY 17 ដែលមានភ្ជាប់ជាមួយនឹងបន្ទះឈីប Intel Core i7 ជំនាន់ទី 10 និងអេក្រង់ថ្មីទំហំដល់ទៅ 17.3 អ៊ីង។ គោលដៅនៃការលក់របស់ម៉ាស៊ីននេះ ENVY 17 មានគោលដៅសម្រាប់ Creators ដែលចង់បានអេក្រង់ធំទូលាយក្នុងការប្រើប្រាស់ និងមិនចង់បន្ថែមនូវម៉ូនីទ័រខាងក្រៅ។

Notebook នេះ មានកម្រិតភាពច្បាស់ដល់ទៅ 4K UHD ហើយវាមានកម្រិត screen-to-body ratio ដល់ទៅ 86%។ ជាមួយនឹងការឌីស្សាញដែលមានរូបរាងស្តើង និងគែម Bezels ស្តើងនោះ ក្រុមហ៊ុន HP នេះ គឺមានកុំព្យូទ័រ Notebook នេះដែលមានទំហំតូចជាង ENVY 17 នេះ។ សម្រាប់ម៉ូឌែលថ្មីឆ្នាំ 2020 នេះគឺមានវិមាត្រ 15.71 x 10.2 x 0.76 inches និងទម្ងន់  6.02 ផោន។

នៅលើម៉ាស៊ីននេះ គឺមានភ្ជាប់ជាមួយនឹងបន្ទះឈីប Intel Core Processor ជំនាន់ទី 10 ក្រាហ្វិកកាត NVIDAI MX330 និងមានរ៉េមទំហំ 32GBDDR4  រួនជាមួយនឹងមេម៉ូរីភ្លោះ Dual Storage ដែលមានទំហំ 256GB SSD និង 1TB HDD។ លោកអ្នកអាចធ្វើការបន្ថែមនូវ 1TB 7200rpm SATA HDD និង 16GB PCIe NVMe Intel Optane Drive, ឬ 1 TB PCIe NVMe TLC M.2 SSD បានផងដែរ។ ម៉ាស៊ីនេះ គឺបំពាក់នូវប្រព័ន្ធ WiFi 6 និងមានដំនើរការជាមួយនឹងប្រព័ន្ធ  Bluetooth 5.0 ផងដែរ។ បន្ថែមពីលើនេះ ក៏មានភ្ជាប់ជាមួយនឹង  Bang & Olufsen dual speakers រួមជាមួយនឹង  full-size backlit keyboard និង Number Pad ដាច់ដោយឡែកផងដែរ។ 

ENVY 17 ថ្មីនេះ គឺមានភ្ជាប់ប្រព័ន្ធស្កេនក្រយ៉ៅដៃ និងមានប៊ូតុងប្រព័ន្ធកាមេរ៉ា និង Microphone mute ផងដែរ។ សម្រាប់ផត របស់វាមានដូចជា 1x USB Type-C, 3x USB Type-A – ដែលមួយសម្រាប់ទ្រទ្រង់ទៅលើ HP Sleep និង Charge និង 1x HDMI 2.0 និង 1x  headphone/mic combo។ ម៉ាស៊ីននេះ ក៏មានរន្ធសម្រាប់ដាក់កាត  SD card reader ផងដែរ។

ថាមពលថ្មរបស់ម៉ាស៊ីននេះ គឺប្រើប្រាស់បានរយៈពេល 11 ម៉ោងជាមួយនឹងថាមពលថ្មទំហំ 55 Wh li-ion។ ក្រុមហ៊ុន  HP   បាននិយាយថា បច្ចេកវិទ្យា Fast Charge technology ដែលមាននៅលើម៉ាស៊ីននេះ អាចបញ្ចូលនូវថាមពលថ្មពី 0 ទៅ 50% នៅក្នុងរយៈពេល 45 នាទីប៉ុណ្ណោះ។ 

ENVY 17 ថ្មីនេះ ដំណើរការនូវ quad-core Intel Core i7-1065G7 processor, 12GB memory, NVIDIA GeForce MX330 graphics  ជាមួយនឹង  2GB និង  512GB Intel SSD និង 32GB Intel Optane memory ផងដែរ។ អេក្រង់របស់វាគឺ multitouch IPS  ដែលមានកម្រិតភាពច្បាស់ Full HD ។ សម្រាប់ម៉ូឌែលនេះគឺមានតម្លៃ $1,249 ៕