Microsoft Windows គឺជាប្រព័ន្ធប្រតិបត្តិការដ៏ពេញនិយមខ្លាំងបំផុតនៅលើពិភពលោកដែលប្រើប្រាស់នៅលើកុំព្យូទ័រ Desktop និង Laptop ដែលត្រូវបានគេប្រើប្រាស់ចាប់ពីអ្នកប្រើប្រាស់ធម្មតា និងសហគ្រាសធំៗ ក្នុងនោះរួមទាំងនៅក្នុងការិយាល័យរដ្ឋាភិបាលនៅក្នុងប្រទេសនានាទូទាំងពីភពលោក។
នៅថ្ងៃនេះ មានការភ្ជាក់ផ្អើលមួយ ដោយរដ្ឋាភិបាលប្រទេសកូរ៉េ បានស្វែងរកនូវដំណោះស្រាយផ្សេងទៀតដោយសារតែមានហេតុផលរបស់ពួកគេផងដែរ។ ប្រទេសកូរ៉េខាងត្បូង មានគម្រោងក្នុងការផ្លាស់ប្តូរនូវកុំព្យូទ័រជាច្រើនរបស់ពួកគេទៅជាប្រើប្រាស់នូវ open source operating system Linux វិញ។ ប្រព័ន្ធប្រតិបត្តិការ Windows នេះ ត្រូវបានគេគិតថា គឺអាចបង្ករជាបញ្ហាផងដែរ នេះគឺដោយសារតែការពេញនិយមខ្លាំងរបស់វា ប៉ុន្តែដោយសារតែតម្លៃថ្លៃរបស់ Software នេះ គឺជាបញ្ហា។
សម្រាប់ Windows licenses គឹមិនមានតម្លៃថោកនោះទេ ជាពិសសនៅពេលដែលអ្នកប្រើប្រាស់នៅលើកុំព្យូទ័រច្រើនរយគ្រឿងនោះ។ នៅក្នុងខែមករាឆ្នាំក្រោយនេះ ប្រទេសកូរ៉េ និងរដ្ឋាភិបាលផ្សេងទៀត ត្រូវបានបង្ខំអោយតម្លើង Upgrade ទៅកាន់ Windows 10 ដោយសារតែការទ្រទ្រង់នៅលើ Windows 7 គឺបញ្ចប់ហើយ។
មន្ត្រីបុគ្គលិកដែលប្រើប្រាស់នូវឱកាសនេះ ដើម្បីស្វែងរកនូវដំណោះស្រាយនោះ គឺមានន័យថា ប្រើប្រាស់នូវប្រព័ន្ធប្រតិបត្តិការ Linux។ ប្រព័ន្ធប្រតិបត្តិការនេះ ដំណើរការជាផ្នែកមួយដ៏សំខាន់នៃ Servers របស់ពិភពលោក ហើយប្រព័ន្ធប្រតិបត្តិការ Android OS គឺត្រូវគេទទួលស្គាល់ ដោយសារតែវាមានការជឿជាក់ សុវត្ថិភាព និងតម្លៃថោក។ សម្រាប់ Linux គឺផ្តល់នូវប្រសិទ្ធិភាពនៃស្ថេរភាពល្អជាងក្នុងការប្រើប្រាស់ហើយវាមានការទ្រទ្រង់ច្រើនជាង Windows ថែមទៀត។ នៅមិនទាន់បញ្ជប់នូវកិច្ចព្រមព្រៀងនៅឡើយទេ។
រដ្ឋាភិបាលរបស់ប្រទេសកូរ៉េខាងត្បូងនេះ នៅតែត្រូវការសាកល្បងថា តើ Linux អាចបំពេញនូវតម្រូវការទៅលើផ្នែក Networking និងសុវត្ថិភាពទេ។ រឿងមួយដែលជាបញ្ហាធំនោះគឺកម្មវិធីមួយចំនួនអភិវឌ្ឍសម្រាប់ប្រើប្រាស់បានតែនៅលើ Windows តែប៉ុណ្ណោះ៕