នៅពេលនេះ ព្រឹត្តិការណ៍របស់ក្រុមហ៊ុន Apple ត្រូវបញ្ចប់ហើយ យើងក៏បានឃើញនូវវត្តមានរបស់ផលិតផលជាច្រើនថ្មីៗដូចជា iPhones, Apple Watch និង iPad ស៊េរីថ្មីចុងក្រោយបំផុត។ នេះប្រហែលជាហេតុផលដែលយើងនៅមិនទាន់ដឹងអំពីការអាប់ដេតទៅលើ iOS និង MacOS Software នោះ។ សម្រាប់ការអាប់ដេតនៅលើគេហទំព័ររបស់ក្រុមហ៊ុន Apple បានបញ្ជាក់ថា ប្រព័ន្ធប្រតិបត្តិការ Apple iOS 13 នឹងដាក់អោយប្រើប្រាស់នៅលើ iPhones ទាំងអស់នៅថ្ងៃទី 19 ខែកញ្ញាខាងខនេះ។ សម្រាប់ iPad OS ថ្មីនេះ នឹងអាចដំណើរការបាននៅលើ iPads នៅថ្ងៃទី ៣០ ខែកញ្ញាខាងមុខនេះ។
ចំពោះការអាប់ដេតទៅលើ iOS 13.1 ដែលជាដំណាក់កាលចុងក្រោយនៃការធ្វើតេស្ត៍ទៅលើ Beta Testing ផងដែរ។ សម្រាប់ការអាប់ដេតនេះ នឹងធ្វើការដាក់អោយដំណើរការនៅលើគ្រប់ iPhones ទាំងអស់រួមមាន Series 11 នៅថ្ងៃទី ៣០ ខែកញ្ញាខាងមុខនេះ។ សូមជំរាបថា ប្រព័ន្ធប្រតិបត្តិការ Apple iOS 13.1 នឹងអនុញ្ញាតអោយស្គាល់ទៅមុខងារពិសេសជាច្រើនសម្រាប់ AirDrop នៅលើ iPhone 11 ទាំង 3 ម៉ូឌែលនេះ ដែលអាចដំណើរការបានយ៉ាងល្អជាមួយនឹងបន្ទះឈឈីប Apple U1។ នៅ មិនទាន់មានការបញ្ជាក់អំពីសេចក្តីលម្អិតរបស់វានៅក្នុងការធ្វើបទបង្ហាញនេះទេ ប៉ុន្តែវានឹងទម្លាយអោយដឹងកាន់តែច្បាស់នាពេលឆាប់ៗខាងមុខនេះ។
សរុបមក ស្មាតហ្វូនស៊េរីថ្មី Apple iPhone 11 ទាំង 3 ម៉ូឌែលនេះទ្រទ្រង់ទៅលើមុខងារមួយដែលមានឈ្មោះថា Audio Sharing ដែលអ្នកអាចធ្វើការភ្ជាប់នូវ AirPods ឬកាសស្តាប់ Beats Headphones ទៅកាន់ស្មាតហ្វូនរបស់អ្នកក្នុងពេលតែមួយថែមទៀតផង។ មុខងារនេះ នឹងដាក់អោយដំណើរការនៅចុងខែនេះ ប៉ុន្តែនេះ មិនមែនជាផ្នែកមួយរបស់ iOS 13 ឬ 13.1 versions នោះទេ៕