Huawei P Series ដែលជាស្មាតហ្វូន Flagship របស់ក្រុមហ៊ុនមហាយក្សចិន គឺទទួលបាននូវភាពល្បីល្បាញយ៉ាងខ្លាំងក្រោយពេលដែលមានការចាប់ដៃជាមួយនឹងក្រុមហ៊ុន Leica។ នេះ គឺដោយសារតែសេនស័រ កាមេរ៉ារបស់ស្មាតហ្វូន បានស្ថិតនៅក្នុងចំណាត់ថ្នាក់ខ្ពស់នៅលើ DXOMARK និង Benchmark របស់ក្រុមហ៊ុនផលិតស្មាតហ្វូនជាច្រើនទៀតផងដែរ។
កាលពីមុន ក្រុមហ៊ុន Huawei បាននាំយកនូវបច្ចេកវិទ្យាកាមេរ៉ាថ្មីៗជាច្រើន ដែលក្នុងនោះមានកាមេរ៉ា Wide Camera, Cine Camera, Periscope Camera និង Ultra Vision Camera ដែលផ្តល់នូវគុណភាពរូបភាពកាន់តែល្អជាងមុនថែមទៀត។ តាមការទម្លាយចេញពី Weibo បានទម្លាយថា ក្រុមហ៊ុន Huawei នឹងនាំយកនូវប្រព័ន្ធរូបភាពដ៏អស្ចារ្យបំផុត ជាមួយនឹងវត្តមានរបស់ស្មាតហ្វូន Huawei P40 ដែលគ្រោងនឹងបង្ហាញខ្លួននៅខែក្រោយនេះ។
បន្ថែមពីនេះទៀតនោះ អ្នកទម្លាយនេះ និយាយថាក្រុមហ៊ុន Huawei នៅតែធ្វើការជាមួយនឹងក្រុមហ៊ុន Leica និងការនាំយកនូវការឌីស្សាញទៅលើ ID ថ្មី ប្រព័ន្ធពណ៌ថ្មី និងការ Upgrade កាន់តែល្អជាងមុនទៅលើស្មាតហ្វូន P50 សម្រាប់គុណភាពរូបភាពរបស់វា។ នៅក្នុងឆ្នាំ 2020 កន្លងទៅនេះ ក្រុមហ៊ុន Huawei P40 បានបង្ហាញនូវកាមេរ៉ា Ultra Vision ដែលជាសេនស័រ CMOS Sensor ធំបំផុតរបស់ពិភពលោក។ កាមេរ៉ា Ultra Vision នេះ គឺប្រើប្រាស់នូវ RYYB Color Mapping ដែលល្អជាង CMOS Sensor ដល់ទៅ 40%។ សែនស័រនេះ ក៏មានការទ្រទ្រង់ទៅលើបច្ចេកវិទ្យា Pixel Binning និង Full Pixel Octa PD AutoFocus ផងដែរ៕