យោងតាមរបាយការណ៍ជាច្រើនដែលមានប្រភពចេញពីប្រទេសកូរ៉េខាងត្បូង គឺបានទម្លាយអំពីលក្ខណៈសម្បត្តិជាច្រើនរបស់ Samsung Galaxy Z Fold 3 ដែលជាស្មាតហ្វូនដែលមានអេ្រកង់អាចបត់បានជំនាន់ទី 3 ដែលគ្រោងនឹងបង្ហាញខ្លួននីពេលខាងមុខនេះ។ តាមការបញ្ជាក់នៅក្នុងរបាយការណ៍ជាច្រើននេះ បាននិយាយថា ស្មាតហ្វូនជំនាន់ថ្មីនេះ នឹងមានថាមពលថ្មទំហំ 4380mAh ដែលទំហំនេះ គឺមានទំហំតូចជាង 4500mAh ដែលប្រើប្រាស់នៅលើស្មាតហ្វូន Galaxy Z Fold 2។ របាយការណ៍នេះគឺបានអះអាងថា ថាមពលថ្មនេះ គឺចេញពីក្រុមហ៊ុន Samsung SDI។
ជាមួយគ្នានេះ ក៏មានការបញ្ជាក់ពីប្រភពជាច្រើនដែរថា ក្រុមហ៊ុនផលិតស្មាតហ្វូនរបស់កូរ៉េខាងត្បូងនេះ កាត់បន្ថយទៅលើទំហំថាមពលថ្មដោយសារតែការផ្លាស់ប្តូរទៅលើទំហំរបស់អេក្រង់។ ក្រុមហ៊ុននេះ បានកាត់បន្ថយទៅលើទំហំអេក្រង់របស់ស្មាតហ្វូន Galaxy Z Fold 3 ទៅកាន់ 7.5 អ៊ីង។ បើធ្វើការធៀបជាមួយនឹងស្មាតហ្វូន Samsung Galaxy Z Fold 2 នេះ គឺមានអេក្រង់ទំហំ 7.5 អ៊ីង ។ យ៉ាងណាមិញ ទំហំខាងក្នុងរបស់ស្មាតហ្វូននេះ គឺមានទំហំ 6.2 អ៊ីង។
ស្មាតហ្វូន Samsung Galaxy Z Fold 3 ក៏នឹងមានការទ្រទ្រង់ជាមួយនឹងប៊ិច S Pen ផងដែរ។ អេក្រង់នេះ គឺមានទម្រង់នៃការបត់ភ្លោះ ហើយអេក្រង់នេះ គឺមានការបត់ចូលក្នុង។ នេះមានន័យថា ស្មាតហ្វូននេះ នឹងមានការប្រើប្រាស់នូវ Hinges ចំនួន 2។ ក្រុមហ៊ុន Samsung នឹងធ្វើការ upgrade ទៅលើអេក្រង់បច្ចេកវិទ្យា UTG ultra-thin glass សម្រាប់ស្មាតហ្វូនថ្មីនេះ។ អេក្រង់នេះ នឹងរឹងមាំជាងមុននៅក្នុងការប៉ះបញ្ជា និងការប្រើប្រាស់ជាមួយនឹងប៊ិចថែមទៀតផង៕
