យោងតាមការនាំចេញនៅក្នុងត្រីមាសទី 1 នៅឆ្នាំនេះ បានអោយដឹងថា ការនាំចេញជាសកលទៅលើកុំព្យូទ័រ Chromebooks សម្រាប់ទីផ្សារសកល គឺនៅតែខ្លាំងក្លាជាមួយនឹងការនាំចេញច្រើនជាង 10 លានគ្រឿង។ របាយការណ៍នេះ បានបន្តថា តួរលេខនេះ មានការកើនឡើងចំនួន 280% បើធៀបទៅនឹងឆ្នាំមុននេះបើផ្អែកទៅលើចំនួននេះ។
តាមការបញ្ជាក់នៅក្នុងរបាយការណ៍របស់ DigiTimes ក៏បានបង្ហាញដែរ ការនាំចេញនូវ notebooks នេះគឺកើនឡើងខ្លាំងដោយសារតែវិស័យអប់រំនៅក្នុងឆ្នាំ 2020 ដែលមានការកើនឡើងខ្លាំងមែនទែននៅក្នុងការអប់រំអនឡាញ និងការធ្វើការងារពីចម្ងាយនោះ។ ការនាំចេញសរុបទៅលើ Notebooks បង្ហាញថា កុំព្យូទ័រ Chromebooks គឺមានចំនួន 60% នៃការនាំចេញនេះ។ ការនាំចេញទៅលើក្រុមនេះ គឺមានចំនួនច្រើនជាង 30 លានគ្រឿងនៅក្នុងមួយឆ្នាំ។ តួរលេខនះ គឺមានកុំព្យូទ័រជាច្រើនម៉ូដែលក្នុងនោះមានដូចជា ក្រុមហ៊ុន Hewlett-Packard (HP), Samsung Electronics និង Asustek Computer ជា។
បន្ថែមពីនេះទៀតនោះ ការនាំចេញទៅលើម៉ូដែលជាច្រើនដែលមានបន្ទះឈីប MediaTek‘s ARM គឺមានចំនួន 1.5 លានគ្រឿងនៅក្នុងត្រីមាសនេះ។ ហើយការនាំចេញ Notebooks គឺមានចំនួន 57.51 លានគ្រឿងនៅក្នុងត្រីមាសទី 1 នៅឆ្នាំនេះ។ នៅក្នុងត្រីមាសទី 1 ឆ្នាំ 2021 នេះ គេសង្កេតឃើញថា ទីផ្សារកុំព្យូទ័រនេះ គឺមានការជម្រុញចេញពីវិស័យលេងហ្គេម និងវិស័យអប់រំ ហើយក្រុមហ៊ុន Asus និង MSI គឺមានការកើនឡើងទៅលើការនាំចេញទៅលើកុំព្យូទ័រ Gaming Notebook ផងដែរនៅក្នុងត្រីមាសទី 1 នេះ ខណៈពេលដែលក្រាហ្វិកកាត GPUs និង CPUs ក៏មានកង្វះខាតផងដែរ រួមជាមួយនឹងការកើនឡើងទៅលើតម្លៃថែមទៀតផង៕