Anker ដែលជាក្រុមហ៊ុនផលិតគ្រឿងអេឡិចត្រូនិចរបស់ចិន បានបង្ហាញនូវកាសស្តាប់ Soundcore Life P3 Earbuds របស់សខ្លួន ដែលនេះ គឺជាជំនាន់ថ្មីរបស់កាសស្តាប់ Soundcore Life P2 ដែលបានបង្ហាញខ្លួនកាលពីឆ្នាំមុននេះ។ កាសស្តាប់ថ្មីនេះ ត្រូវបានក្រុមហ៊ុនតម្លើងជាមួយនិងបច្ចេកវិទ្យា Active Noise Cancellation និងមានតម្លៃ £79.99 ($120) ដែលតម្លៃនេះ គឺទាបជាងកាសស្តាប់ដែលមានបច្ចេកវិទ្យា ANC នៅលើទីផ្សារក្នុងពេលបច្ចុប្បន្ននេះ។
កាស Soundcore Life P3 ថ្មីនេះ គឺមានភ្ជាប់ជាមួយនឹង Microphones ចំនួន 6 ដែលមានមុខងារ noise cancellation ថែមទៀតផង។ នៅលើកាសនេះ ក៏មានមុខងារ Transport, Indoor និង Outdoor modes ជាមួយនឹង noise cancellation settings។ បន្ថែមពីនេះទៀតនោះ កាសស្តាប់ Soundcore Life P3 Earbuds នេះ ក៏មានមុខងារ “Find Your Earbuds” mode ផងដែរ ដែលផ្តល់នូវភាពងាយស្រួលក្នុងការស្វែងរកនូវកាសស្តាប់នេះ បានយ៉ាងងាយស្រួល។ មុខងារនេះ គឺស្រដៀងគ្នាទៅនឹង AirPods របស់ Apple ផងដែរ។ នៅក្នុងនោះក៏មានមុខងារ Sleep modeនិង Gaming mode ដែលកាត់បន្ថយនូវ Latency នៅក្នុងពេលលេងហ្គេម។
កាសស្តាប់នេះ មាន 11m Composite drivers ហើយវាក៏មាន IPX5 សម្រាប់ការពារការជ្រាបទឹក។ Soundcore Life P3 នេះអាចប្រើប្រាស់បាន 7 ម៉ោងនៅក្នុងការសាកថ្មម្តង។ នៅក្នុងការសាកថ្ម 10 នាទីគឺអាចប្រើប្រាស់បាន2 ម៉ោង។ កាសស្តាប់ Life P3 Earbuds នេះ ក៏មានទ្រទ្រង់នូវបច្ចេកវិទ្យា Siri របស់ Apple ផងដែរ។ កាសស្តាប់នេះនឹងដាក់លក់នៅក្នុងខែកក្កដានេះនៅលើវេបសាយរបស់ក្រុមហ៊ុន Soundcore នៅក្នុងចក្រភពអង់គ្លេស៕