realme គឺជាក្រុមហ៊ុនមួយដែលតែងតែបញ្ចេញនូវស្មាតហ្វូនដែលមានលំដាប់ថវិកានៅក្នុងទីផ្សារជាច្រើននៅជុំវិញពិភពលោកជាពិសេស គឺប្រទេសឥណ្ឌា។ សម្រាប់ពេលនេះ ក្រុមហ៊ុននេះ គឺបានក្លាយជាម៉ាកយីហោក្រុមហ៊ុនឯករាជ្យមួយ ដែលមានភាពល្បីល្បាញខ្លាំងមែនទែន។ ថ្ងៃនេះ មានការបែកធ្លាយថ្មីមួយ តែវាមិនមានការពាក់ព័ន្ធជាមួយនឹងស្មាតហ្វូនទៀតនោះ គឺក្រុមហ៊ុននេះ បានពង្រីកវត្តមានទៅកាន់ Categories ថ្មីទៀតហើយ។
តាមដំណឹងថ្មី បបញ្ជាក់ថា ក្រុមហ៊ុនបច្ចេកវិទ្យានេះ បានត្រៀមខ្លួនក្នុងការប្រកាសបង្ហាញនូវផលិតផលថ្មីៗជាច្រើននៅក្នុងនៅពេលនេះ និងពេលអនាគតនោះ។ នៅពេលនេះ ក្រុមហ៊ុនបច្ចេកវិទ្យាយក្សរបស់ចិននេះ ក៏បានត្រៀមខ្លួនក្នុងការង្ហាញនូវ category ថ្មីជាមួយនឹងការបង្ហាញនូវវត្តមានរបស់កុំព្យូទ័រយួរដៃដំបូងបំផុតដែលទម្លាយដោយលោក Madhav Sheth ដែលជាCEO របស់ក្រុមហ៊ុន Realme នៅក្នុងប្រទេសឥណ្ឌា និងនៅក្នុងអ៊ឺរ៉ុប។
នៅក្នុងរូបភាពដែលបែកធ្លាយនេះ គឺមានការបង្ហាញថា កុំព្យូទ័រថ្មីរបស់ក្រុមហ៊ុន realme នេះគឺមានតួខ្លួនធ្វើពីលោហធាតុ ហើយវាមានពណ៌ទឹកប្រាក់ដែលស្រដៀងគ្នាទៅនឹង MacBook របស់ក្រុមហ៊ុន Apple ផងដែរ។ ក្រៅពីនេះ លោក Madhav Sheth ក៏បានចែករំលែកនូវកូដមួយដែលមានពាក្យថា “Hello World!” ផងដែរ។ នៅក្នុងរយៈពេល 2 ខែកន្លងទៅនេះ ក្រុមហ៊ុនបច្ចេកវិទ្យា Realme អាចនឹងប្រកាសបង្ហាញនូវផលិតផលជាច្រើននៅក្នុងទីផ្សារដែលក្នុងនោះគឺមាន MeowBook laptop, Meow AI speaker និង Meow VR glasses ផងដែរ។ នេះមានន័យថា កុំព្យូទ័រនាពេលខាងមុខនេះគឺមានកូដហៅថា MeowBook។
កុំព្យូទ័រនេះ គឺនឹងប្រើប្រាស់នូវបន្ទះឈីប Intel ឬ AMD។ កុំព្យូទ័រនេះគឺមានរ៉េម និង Storage ជាច្រើនសម្រាប់ធ្វើការជ្រើសរើសផងដែរ។ សម្រាប់ Notebook នេះ គឺមានប្រព័ន្ធប្រតិបត្តិការ Windows 10 ។ នៅដើមឆ្នាំនេះ របាយការណ៍ជាច្រើនអះអាងថា realme laptop នេះ អាចនឹងប្រកាសបង្ហាញខ្លួននៅក្នុងខែមិថុនានៅក្នុងឆ្នាំនេះ។ វត្តមានរបស់ realme laptop ត្រូវបានគេនិយាយថា គឺនឹងប្រកួតប្រជែងជាមួយនឹង Mi Notebook និង RedmiBook ផងដែរ៕