ក្រុមហ៊ុន Samsung បានបង្ហាញជាផ្លូវការនូវវត្តមានរបស់ស្មាតហ្វូនម៉ូឌែលថ្មី Galaxy A21S របស់ខ្លួននៅក្នុងទីផ្សាររបស់អ៊ឺរ៉ុបនៅថ្ងៃនេះ។ ស្មាតហ្វូននេះ គឺជាស្មាតហ្វូនថ្នាក់កណ្តាលមួយទៀតនៅក្នុងគ្រួសាររបស់ A-series ដែលមានថាមពលថ្មធំ និងកាមេរ៉ាដល់ទៅ ៤ គ្រាប់។ ស្មាតហ្វូន Galaxy A21s បង្ហាញខ្លួនជាមួយនឹងនិន្នាការបច្ចុប្បន្ន មានអេក្រង់ Infinity-O punch-hole។
ស្មាតហ្វូន Galaxy A21s នេះ មានការ upgrade ទៅលើកាមេរ៉ា និងទំហំរ៉េមរបស់វាបើធៀបទៅនឹងស្មាតហ្វូន Samsung Galaxy A21។ ស្មាតហ្វូននេះ គឺមានអេក្រង់ទំហំ 6.5-inch HD+ Infinity-O Super AMOLED ជាមួយនឹងកាមេរ៉ាខាងមុខទំហំ 13MP selfie នៅផ្នែកខាងលើគែមផ្នែកខាងឆ្វេងរបស់វា។ វាដំណើរការនូវ octa-core CPU (Exynos 850) ដែលមានល្បឿនកម្រិត 2.0GHz ហើយអ្នកអាចជ្រើសរើសបាននូវទំហំ 3GB ទៅដល់ 6GB និងម៉េមូរីទំហំ 32GB និង 64GB ។
ភាពខុសគ្នារវាងស្មាតហ្វូន A21 និង A21s នេះគឺនៅលើកាមេរ៉ា។ ម៉ូឌែលថ្មីនេះ គឺមានកាមេរ៉ាទំហំ 48MP, 8MP ultrawide sensor, 2MP macro shooter និង 2MP depth shooter ដែលមានការឌីស្សាញជាទម្រង់អក្សរ L ។ វាមានប្រព័ន្ធស្កេនក្រយ៉ៅដៃនៅខាងក្រោយ។ ស្មាតហ្វូន Samsung Galaxy A21s មានថាមពលថ្មទំហំ 5000mAh ជាមួយនឹងបច្ចេកវិទ្យា 15W wired charging និងប្រព័ន្ធប្រតិបត្តិការ Android 10 ដែលផ្អែកនៅលើ OneUI ថែមទៀត។ ស្មាតហ្វូននេះនឹងដាក់លក់នៅអ៊ឺរ៉ុបក្នុងតម្លៃ €200 ($217) ហើយការលក់គឺចាប់ពីថ្ងៃទី ១៩ ខែឧសភានេះ។ ស្មាតហ្វូននេះមាន ៣ ពណ៌គឺពណ៌ខ្មៅ ស និងខៀវ៕
