កាលពីប៉ុន្មានថ្ងៃមុននេះ ស្មាតហ្វូន iQOO 3 5G Transformers Limited Edition ត្រូវបានបង្ហាញខ្លួនជាផ្លូវការ។ នៅពេលនេះ ក្រុមហ៊ុននេះ បានទម្លាយបង្ហាញអំពីតម្លៃរបស់ស្មាតហ្វូននេះ។ សម្រាប់ version របស់ស្មាតហ្វូននេះ គឺមានទំហំ 12GB+128GB ជាមួយនឹងតម្លៃ3,998 Yuan ($561)។ ស្មាតហ្វូននេះ អាចធ្វើការ Pre-orders បាននៅលើ Jingdong ដែលនឹងចាប់ផ្តើមនៅថ្ងៃទី 1 ខែមិថុនាខាងមុខនេះ។
ស្មាតហ្វូនស៊េរីថ្មី IQOO 3 5G Transformers Limited Edition នេះ នឹងមានការឌីស្សាញជាលក្ខណៈ kevlar matte texture នៅផ្នែកខាងក្រោយ ដែលជាកញ្ចក់ជាមួយនឹងពណ៌មាសរំលេចយ៉ាងស្រស់ស្អាតបំផុត។ ស្មាតហ្វូននេះ ក៏មានឡូហ្គោ ‘Autobots logo’ នៅផ្នែកខាងក្រោយរបស់វា ជាមួយនឹងម៉ាកសញ្ញា iQOO និងពាក្យស្លោកថា ‘Monster Inside’។ ស្មាតហ្វូននេះ គឺមានលក្ខណៈសម្បត្តិដែលដូចគ្នាទៅនឹងស្មាតហ្វូន iQOO 3 5G មានន័យថា ស្មាតហ្វូននេះ គឺប្រើប្រាស់នូវបន្ទះឈីប Qualcomm Snapdragon 865 SoC ជាមួយនឹង LPDDR5 RAM និង UFS 3.1 storage។ ស្មាតហ្វូននេះ ក៏មានបច្ចេកវិទ្យា carbon fibre VC liquid cooling technology ផងដែរ។
ស្មាតហ្វូននេះ មានអេក្រង់ទំហំ 6.44-inch HDR10+ AMOLED ជាមួយនឹងកម្រិត 180Hz touch sampling rate ។ បន្ថែមពីនេះទៀតនោះ វាមានកាមេរ៉ាខាងក្រោយ 4 គ្រាប់ដែលមានទំហំ 48MP primary shooter, 13MP ultra-wide snapper, 13MP telephoto និង 2MP depth sensor ថែមទៀត។ សម្រាប់កាមេរ៉ាខាងមុខវិញនោះ ស្មាតហ្វូននេះគឺមានទំហំ 16MP selfie នៅក្នុងរន្ធប្រហោង punch-hole ដែលនៅគែមខាងស្តាំនៃអេក្រង់នេះ។ ស្មាតហ្វូននេះ ទ្រទ្រង់ជាមួយនឹងបច្ចេកវិទ្យា 5G connectivity និង iQOO UI ដែលផ្អែកនៅលើ Android 10 ថែមទៀត។ ស្មាតហ្វូននេះមានថាមពលថ្មទំហំ iQOO UI និងទ្រទ្រង់នូវបច្ចេកវិទ្យា 55W Super FlashCharge technology ថែមទៀត។
ប្រអប់របស់ស្មាតហ្វូន iQOO 3 5G Transformers Limited Edition
សម្រាប់ស្មាតហ្វូន iQOO 3 5G Transformers Limited Edition នេះគឺជាខួបលើកទី ១៧ នៅលើ Jingdong (JD.com) ហើយនៅក្នុងប្រអប់នេះមានដូចជា៖
•iQOO 3 5G Transformers Limited Edition
•Transformers-themed Accessories
•55W Super FlashCharge Power Adaptor
•USB Type-C cable
•Hard case
•Gifts
•iQOO Earphones
•Transformers Bumblebee Action Figure
តម្លៃរបស់ស្មាតហ្វូនiQOO 3 5G Transformers Limited Edition
ស្មាតហ្វូន iQOO 3 5G Transformers Limited Edition នេះគឺមានតម្លៃ 3,998 Yuan ($560) ។ ស្មាតហ្វូននេះ ដាក់លក់ផ្តាច់មុខនៅក្នុងប្រទេសចិន ហើយការលក់នេះគឺចាប់ផ្តើមនៅថ្ងៃទី 1 ខែមិថុនានេះ។ អតិថិជនដែលចាប់អារម្មណ៍អាចរកទិញស្មាតហ្វូននេះបាននៅលើវេបសាយ Jingdong (JD.com) ៕
