ក្រុមហ៊ុន Samsung ត្រូវបានគេរំពឹងថា នឹងបង្ហាញនូវស្មាតហ្វូនចំនួន 3 របស់ខ្លួននៅក្នុងប្រទេសឥណ្ឌា នៅក្នុងសប្តាហ៍ដំបូងនៅក្នុងខែមិថុនានេះ។ លក្ខណៈសម្បត្តិរបស់ស្មាតហ្វូន Galaxy M01 និងព័ត៌មានលម្អិតរបស់ស្មាតហ្វូន Galaxy M11 ក៏មានការបង្ហាញខ្លួនរួចហើយផងដែរចាប់តាំងពីការបង្ហាញវត្តមានរបស់ស្មាតហ្វូននេះនៅក្នុងទីផ្សារជាច្រើនដូចជាវៀតណាម និងអារ៉ាប់រួមកាលពីពេលថ្មីៗនេះ។ ស្មាតហ្វូន Galaxy A31 នេះ គឺនឹងបង្ហាញខ្លួននៅក្នុងសប្តាហ៍ដំបូងនៅក្នុងខែមិថុនានេះដូចគ្នាដែល មានតម្លៃ Rs. 23,000 (~$303)។ Ishan Agarwal ប្រភពទម្លាយដែលអាចទុកចិត្ត បានទម្លាយនូវតម្លៃរបស់ស្មាតហ្វូន Galaxy M01 និង Galaxy M11 ផងដែរ។
ស្មាតហ្វូន Samsung Galaxy M11 នេះត្រូវគេរំពឹងថានឹងបង្ហាញខ្លួននៅក្នុងប្រទេសឥណ្ឌាដែលមាន 2 ជម្រើសនោះគឺ 3GB+32GB និង 4GB+64GB។ស្មាតហ្វូននេះគឺមានតម្លៃ Rs.10,999 (~$145) និង Rs.12,999 (~$171)។ ស្មាតហ្វូននេះគឺមានពណ៌ខ្មៅ ពណ៌ខៀវ និងពណ៌ Violet ។ តម្លៃរបស់ស្មាតហ្វូននេះ គឺនៅតាមហាងលក់រាយ ខណៈពេលដែលតម្លៃនៅលើអនឡាញរបស់វាក៏មានភាពខុសគ្នាផងដែរ។ ស្មាតហ្វូន Galaxy M11 នេះគឺមានអេក្រង់ 6.4-inch punch-hole ដែលមានកម្រិតភាពច្បាស់ HD+។ ស្មាតហ្វូននេះ ប្រើប្រាស់នូវបន្ទះឈីប Snapdragon 450 និងថាមពលថ្មទំហំ 5,000mAh ជាមួយនឹងបច្ចេកវិទ្យា 15W charging។ ស្មាតហ្វូននេះគឺមានកាមេរ៉ា 3 គ្រាប់ទំហំ 13-megapixel + 5-megapixel + 2-megapixel និងកាមេរ៉ាខាងមុខទំហំ 8-megapixel ។
នៅក្នុងការបែកធ្លាយថ្មីនេះ មានការទម្លាយថា ស្មាតហ្វូន Samsung Galaxy M01 នេះនឹងមានតម្លៃ Rs.8,999 (~$120)។ ស្មាតហ្វូននេះគឺមានទំហំតែ 3GB និង 32GB តែប៉ុណ្ណោះ។ ស្មាតហ្វូននេះនឹងបង្ហាញខ្លួននៅក្នុងប្រទេសឥណ្ឌាជាមួយនឹងពណ៌ខ្មៅ ខៀវ និងក្រហម។ ស្មាតហ្វូន Galaxy M01 នេះមានអេក្រង់ 5.71-inch IPS LCD notch ដែលមានការទ្រទ្រង់នូវកម្រិតអេក្រង់ HD+។ វាមានបន្ទះឈីប Snapdragon 439។ ស្មាតហ្វូននេះ គឺមានថាមពលថ្មទំហំ 4,000mAh និងបច្ចេកវិទ្យា 5W charging។ កាមេរ៉ាខាងមុខរបស់ស្មាតហ្វូននេះ គឺមានទំហំ 5-megapixel និងកាមេរ៉ាភ្លោះទំហំ 13-megapixel + 2-megapixel ៕