no-alternative title
no-alternative title
no-alternative title
no-alternative title
no-alternative title
no-alternative title

លឺថា…! Galaxy Note 20 ដែលលក់សម្រាប់ទីផ្សារអាមេរិក នឹងប្រើកំពូលឈីប Snapdragon 865+ ខណៈដែល Note 21 ដែលចេញឆ្នាំក្រោយនឹងប្រើឈីបខ្នាត 3nm

បើនិយាយពីព័ត៌មានចចាមអារ៉ាមដែលបានចុះផ្សាយពីកំពូលស្មាតហ្វូនកូនកាត់ហ្វាប់ប្លែតជំនាន់ថ្មីរបស់ Samsung គឺ Galaxy Note 20 Series ហាក់ចេញមិនលស់ថ្ងៃសោះម៉ងរហូតមកទល់នឹងពេលនេះ ហើយសម្រាប់ព័ត៌មានច្បាស់ការណ៍ចុងក្រោយបំផុតនៃការមកដល់សម្រាប់ពូកវាគឺនៅថ្ងៃទី 05 សប្តាហ៍ទីមួយនាខៃសីហា 2020 ខាងមុខនេះ។ សម្រាប់ព័ត៌មានចចាមអារ៉ាមដែលនិយាយតៗគ្នាកន្លងមករួមនឹងការបែកធ្លាយទៅលើការ Design រូបរាងរបស់ Note ជំនាន់ថ្មីនេះគឺពិតជាទទួលបានការចាប់អារម្មណ៍ខ្លាំងបំផុតពិសេសគឺត្រង់ប្រព័ន្ធកាមេរ៉ាខាងក្រោយ និងបច្ចេកវិទ្យាប៊ិចវៃឆ្លាតរបស់វាតែម្តង។ 

 

no-alternative title

យើងដឹងហើយកំពូលស្មាតហ្វូត្រកូល Galaxy S ក្តី Galaxy Note ក្តីតែងតែបង្ហាញវត្តមានជាមួយជម្រើសម៉ាស៊ីនពីរផ្សេងគ្នាគឺមួយម៉ូដែលប្រើប្រាស់ឈីប Snapdragon របស់ក្រុមហ៊ុន Qualcomm សម្រាប់តែទីផ្សារអាមេរិក និងចិន ហើយមួយម៉ូដែលទៀតប្រើប្រាស់បន្ទះឈីប Exynos របស់ Samsung ផ្ទាល់សម្រាប់ចេញលក់លើទីផ្សារសកល។ ឥលូវនេះងាកមកព័ត៌មានចចាមអារ៉ាមចុងក្រោយនេះវិញដែលបាននិយាយថាកំពូលស្មាតហ្វូន Galaxy Note 20 Series សម្រាប់ទីផ្សារអាមេរិកនឹងបំពាក់មកនូវបន្ទះឈីបកំពូលចុងក្រោយគឺ Qualcomm Snapdragon 865+ ខណៈដែលម៉ូដែលសម្រាប់ទីផ្សារសកលប្រើប្រាស់បន្ទះឈីប Samsung Exynos 992 ដែលជាឈីបជំនាន់ថ្មីផលិតឡើងតាមខ្នាតស្តង់ដារ 5nm ដែលស្តង់ដារថ្មីនេះត្រូវបានគេដឹងថានឹងប្រើជាមួយឈីប A14 របស់ Apple ដែលត្រៀមប្រើនៅលើ iPhone 12 Series ផងដែរ។ 

ការបំពាក់ឈីបជំនាន់ថ្មីនេះត្រូវបានការដឹងថាវានឹងធ្វើការកែប្រែទៅលើបច្ចេកវិទ្យាអេក្រង់ថ្មីហៅថា “HOP Display Tech” ដែលជួយរុញកម្រិត Refresh rate អេក្រង់របស់ Note 20 Series ឡើងដល់ 120Hz និងដោះស្រាយបញ្ហាស៊ីថាមពលថ្មខ្លាំងដែលកើតមានឡើងនៅលើឈីប Exynos 990 ដែលប្រើនៅលើ Galaxy S20 Series ផងដែរ។ យ៉ាងណាមិញសម្រាប់ Galaxy Note ជំនាន់ក្រោយ ឬ Note 21 Series ដែលនឹងចេញនៅឆ្នាំក្រោយ Samsung  អាចនឹងប្តូរទៅប្រើឈីបដែលផលិតឡើងតាមស្តង់ដារថ្មីខ្នាត 3nm នេះបើតាមប្រភពមួយចេញពីឧស្សាហកម្មផលិតបន្ទះឈីបរបស់តៃវ៉ាន់។ ជំនូសពីការប្រើប្រាស់ខ្នាតស្តង់ដារផលិតឈីប 4nm ដូច Samsung ធ្លាប់បានធ្វើការរំលងលើស្តង់ដារ 8nm ដែលគេបាននិយាយថាប្រើនៅលើ S20 Series មុនពេលនៃការប្រកាសបន្ទះឈីប 7nm Exynos 990 ក្រុមហ៊ុន Samsung ក៏បានចេញរបាយការណ៍បញ្ជាក់ថាក្រុមហ៊ុនគឺបាននឹងកំពុងផ្តោតទៅលើការផលិតបន្ទះឈីបខ្នាត 3nm រួចហើយ។ 

ជាយ៉ាងណាសម្រាប់គុណសម្បត្តិរបស់បន្ទះឈីបដែលផលិតឡើងតាមខ្នាតស្តង់ដារថ្មី 3nm មិនទាន់ត្រូវបានទម្លាយនៅឡើយទេ ប៉ុន្តែច្បាស់ណាស់ Samsung នឹងបង្ហាញវាជាមួយកំពូលស្មាតហ្វូនកាត់ហ្វាប់ប្លែតជំនាន់ក្រោយ Galaxy Note 21 ដែលចេញនាឆ្នាំក្រោយនេះ៕

 

no-alternative title

no-alternative title
ព័ត៌មានពាណិជ្ជកម្ម