នៅថ្ងៃទី 1 ខែធ្នូខាងមុខនេះ ក្រុមហ៊ុន Qualcomm នឹងបញ្ចេញនូវបន្ទះឈីប Snapdragon 875 ដែលជាបន្ទះឈីបជំនាន់ចុងក្រោយរបស់ខ្លួនជាផ្លូវការណ៍ហើយ បន្ទះឈីបនេះ ត្រូវបានគេប្រកាសថា នឹងប្រើប្រាស់ជាផ្លូវការដោយក្រុមហ៊ុន Xiaomi ផងដែរ។ នៅថ្ងៃនេះ អ្នកប្រើប្រាស់នៅលើ Weibo បាននិយាយថា ស្មាតហ្វូនដែលនឹងប្រើប្រាស់នូវបន្ទះឈីបនេះ នឹងមានការពង្រឹងទៅលើកាមេរ៉ា Ultra-Wide-Angle ថែមទៀតផង។ កាមេរ៉ារបស់ស្មាតហ្វូននេះ គឺមានកម្រិតភាពច្បាស់ចំនួន 48MP។ សម្រាប់សេនស័រនេះ គឺមានកម្រិតទំហំភិចសែល គឺនឹងមានទំហំ 0.8μm។
គួរបញ្ជាក់ផងដែរថា ក្រុមហ៊ុន Xiaomi តែងតែបង្ហាញនូវបន្ទះឈីប Snapdragon Flagship Platform ជំនាន់បន្ទាប់របស់ក្រុមហ៊ុន Qualcomm ជានិច្ច។ សម្រាប់ស្មាតហ្វូនថ្មីនេះ គឹអាចនឹងមានឈ្មោះជាស្មាតហ្វូន Xiaomi Mi 11។ សម្រាប់កាមេរ៉ាគោលរបស់ស្មាតហ្វូន គឺជាប្រភេទ Ultra-Wide-Angle ដែលមានទំហំ 48MP ខណៈដែលស្មាតហ្វូន Mi 10 គឺមានទំហំត្រឹមតែ 13MP ប៉ុណ្ណោះ។ ស្មាតហ្វូននេះ គឺជាស្មាតហ្វូនដំបូងបំផុតរបស់ក្រុមហ៊ុន Xiaomi ដែលនឹងប្រើប្រាស់នូវបន្ទះឈីប 5nm។ តាមការបញ្ជាក់នៅក្នុងការបែកធ្លាយកាលពីពេលមុននេះ បានអោយដឹងថា បន្ទះឈីប Snapdragon 875 នេះ គឺប្រើប្រាស់នូវរចនាសម្ព័ន្ធប្រភេទ 1+3+4 three-Cluster Architecture។ ហើយបន្ទះឈីបនេះ គឺមានភ្ជាប់ជាមួយនឹងល្បឿន Cortex A78 និង Cortex A55។
សូមជំរាបថា ស្មាតហ្វូន Xiaomi Mi 11 នេះ ក៏មានការបែកធ្លាយនៅលើ GeekBench 5 ផងដែរ ដោយក្នុងនោះ ត្រូវបានគេបង្ហាញថា ស្មាតហ្វូននេះមានលេខម៉ូឌែល M2012K11C ហើយនិងដំណើរលើការមានបន្ទះឈីប Qualcomm 8-Core Processor។ ស្មាតហ្វូននេះ គឺមានពិន្ទុ 1105 នៅលើ single-core និងពិន្ទុចំនួន 3512 នៅក្នុងការតេស្ត Multi-Core បន្ទាប់ពីការធ្វើតេស្តទៅលើសមត្ថភាពរួចមក៕
