ប្រសិនបើសេចក្តីរាយការណ៌ថ្មីដែលមានប្រភពចេញមកពីប្រទេសកូរ៉េខាងត្បូងក្លាយជាការពិតនោះ ការផ្លាស់ប្តូរដ៏ធំបំផុតនៅលើគ្រួសារ iPhone 14 ដែលបានបង្ហាញវត្តមាននារដូចស្លឹកឈើជ្រុះនេះ គឺកាមេរ៉ាមុខ។ នៅពេលក្រុមហ៊ុន Apple បានងាកមកផ្តោតទៅការចំណាយសម្រាប់កាមេរ៉ាមុខដែលប្រើប្រាស់នៅលើស្មាតហ្វូនជំនាន់ថ្មីរបស់ខ្លួន ដោយបានជ្រើសរើសក្រុមហ៊ុន LG Innotek ជាអ្នកផ្គត់ផ្គង់កាមេរ៉ាសម្រាប់ iPhone ជាមួយនិងក្រុមហ៊ុន Sharp។
នេះគឺជាលើកដំបូងបំផុតនៅក្នុងប្រវត្តិសាស្រ្តសម្រាប់ការប្រើប្រាស់កាមេរ៉ាមុខនៅលើ iPhone តាមរយៈនៃការចាប់ដៃគូរជាមួយនិងក្រុមហ៊ុនកូរ៉េខាងត្បូងនេះ។ ជាមួយនិងការផ្លាស់ប្តូរនេះ ក្រុមហ៊ុន Apple ត្រូវគេរាយការណ៌ថា ជ្រើសរើសនៅកាមេរ៉ាដែលមានសមត្ថភាពខ្ពស់បំផុត គឺមិនមានដូចអ្វីដែលធ្លាប់នៅលើ iPhone ជំនាន់មុនៗនោះទេ។ តាមពិតទៅ ក្រុមហ៊ុន LG Innotek គឺនឹងធ្វើការផ្គត់ផ្គង់កាមេរ៉ាសម្រាប់ iPhone 15 ប៉ុន្តែថ្មីៗនេះក្រុមហ៊ុន Apple បានធ្វើការសម្រេចចិត្តភ្លាមៗសម្រាប់រឿងនេះ។
ការសម្រេចប្រើក្រិមហ៊ុនកូរ៉េនេះ គឺដោយសារតែការធ្វើតេស្តកន្លងមកទៅលើក្រុមហ៊ុនផលិតកាមេរ៉ារបស់ប្រទេសចិនមានបញ្ហាហើយក្រុមហ៊ុន Apple មិនបានញ្ចេញនូវឈ្មោះក្រុមហ៊ុនចិននោះទេ ដោផបានសម្រេចចិត្តជ្រើសរើសយកក្រុមហ៊ុន LG Innotek នេះតែម្តង។ ក្រុមហ៊ុននេះនឹងធ្វើការនេះសម្រាប់ iPhone 14 generation។
