គិតមកទល់នឹងឆ្នាំនេះ ទីផ្សារស្មាតហ្វូនទូទាំងពិភពលោក មើលទៅហាក់ដូចជានៅមិនទាន់ល្អនោះទេ ស្ទើរតែគ្រប់ម៉ាកយីហោស្មាតហ្វូនទាំងអស់ គឺមានការធ្លាក់ចុះទៅលើការផលិតរបស់ខ្លួនគ្រប់ៗគ្នា។ មូលហេតុនេះហើយ គឺដោយសារតែការធ្លាក់ចុះនៃការនាំចេញស្មាតហ្វូនជាច្រើននៅជុំវិញពិភពលោក។ ប៉ុន្តែទោះជាមានរឿងបែបនេះ ក៏មិនបានបញ្ឈប់នូវម៉ាកយីហោស្មាតហ្វូនជាច្រើនអោយបញ្ឈប់នូវផលិតកម្មរបស់ខ្លួននោះទេ។ មួយវិញទៀត ក្រុមហ៊ុនមួយចំនួន ក៏បានកាត់បន្ថយនូវចំនួននៃការផលិតរបស់ខ្លួនផងដែរ ស្របពេលដែល ក្រុមហ៊ុស្មាតហ្វូនជាច្រើន ក៏ត្រូវការបន្ថែមនូវមុខងារថ្មីៗជាច្រើនទៀត ដើម្បីទាក់ទាញអតិថិជនផងដែរ។
កាលពីប៉ុន្មានថ្ងៃមុននេះ Technizo Concept បានបង្ហាញនូវរូបភាពថ្មីរបស់ស្មាតហ្វូន Samsung Galaxy S23 Ultra ផងដែរ។ គួរបញ្ជាក់ថា បន្ទាប់ពីការដកចេញនូវត្រកូល Galaxy Note រួចមក ស្មាតហ្វូន Samsung Galaxy S Ultra បានក្លាយជាម៉ូដែលមួយដែលត្រូវមកជំនួយកន្លែងត្រកូល Galaxy Note Series ហើយ។ សម្រាប់លក្ខណៈពិសេសរបស់ស្មាតហ្វូន Galaxy Note Series គឺប្រើប្រាស់នូវប៊ិច S Pen Stylus ហើយពេលនេះ មុខងារនេះ ត្រូវបានប្រើប្រាស់នៅលើ Galaxy S Ultra ហើយ។
បើមើលទៅលើផ្នែកខាងមុខរបស់ស្មាតហ្វូននេះ ស្មាតហ្វូនជំនាន់ថ្មី Samsung Galaxy S23 Ultra គឺមានការឌីស្សាញអេក្រង់ ជាមួយនិងរន្ធ Punch-hole និងមានកញ្ចក់មានគែមកោង។ សម្រាប់ផ្នែកខាងក្រោយរបស់កាមេរ៉ា ក៏មានការផ្លាស់ប្តូរផងដែរ ដូចទៅនឹងស្មាតហ្វូន Xiaomi Mi 11 ឬ Xiaomi 12។ នៅពេលនេះ ស្មាតហ្វូន Samsung Galaxy S23 Ultra ក៏ស្ថិតនៅក្នុងដំណាក់កាលនៃគំរូផងដែរ។ រូបភាពខាងលើនេះ នៅមិនទាន់ក្លាយជាការឌីស្សាញចុងក្រោយបំផុតរបស់ស្មាតហ្វូននេះនោះទេ។
