ថ្មីៗនេះ ក្រុមហ៊ុន Infinix បានបញ្ចេញនូវស្មាតហ្វូនថ្មីរបស់ខ្លួន ដែលមានបច្ចេកវិទ្យាសាកថ្មលឿនថ្មីហៅថា Ultra Flash Charge (UFC) ដែលមានកម្រិតល្បឿនដល់ទៅ 160W។ បច្ចេកវិទ្យានេះ អាចសាកថ្មទំហំ 4000mAh ពេញនៅក្នុងពេលត្រឹមតែ 10 នាទីប៉ុណ្ណោះ។
ស្មាតហ្វូន Infinix Concept Phone 2021 នេះ មានការផ្តោតទៅលើបច្ចេកវិទ្យាសំខាន់ 2 នោះគឺ Solid Electrochromic film (SECF) ដែលអាចធ្វើការប្តូរទៅលើពណ៌ផ្នែកខាងក្រោយរបស់ស្មាតហ្វូន និង Electroluminescence (EL) film ដែលបញ្ចេញនូវពន្លឺយ៉ាងទាក់ទាញបំផុត។
ស្មាតហ្វូននេះ មានភ្ជាប់ជាមួយនឹង USB-C port ដែលមានផ្នែកខាងក្រោយជាមួយនឹងពាក្យថា “NOW”។ តើវាមានហានិភ័យនោះទេ នៅពេលដែលស្មាតហ្វូននេះ អាចសាកថ្មនៅក្នុងកម្រិត 160Wនោះ? ចម្លើយពីក្រុមហ៊ុន Infinix នេះ គឺមិនមានហានិភ័យនោះទេ។ ស្មាតហ្វូននេះ មានកម្រិតសីតុណ្ហភាពនៅក្រោម 40ºC/104ºF តែប៉ុណ្ណោះ។ លក្ខណៈពិសេសរបស់បច្ចេកវិទ្យា UFC នេះ គឺការប្រើប្រាស់នូវ 160W Charger ដែលមានកម្រិត 20V នៅក្នុង 8A Output។ បន្ថែមពីនេះទៀតនោះ ស្មាតហ្វូននេះ មានទម្ងន់មិនដល់ 200g នោះទេ។
ស្មាតហ្វូនមានការទ្រទ្រង់នូវបច្ចេកវិទ្យា Charging Protocols ជាច្រើនទៀត ដែលមានន័យថា វាអាចប្រើប្រាស់ក្នុងការសាកថ្មទៅកាន់កុំព្យូទ័របានថែមទៀតផង។ នៅក្នុងការសាកថ្មត្រឹមតែ 2 នាទី ថាមពលថ្មរបស់ស្មាតហ្វូននេះ គឺដល់ទៅ 22% ហើយវាឡើងដល់ទៅ 50% នៅពេលដែលសាកថ្មបាន 4.45 នាទី ។ នៅក្នុងពេល 10 នាទីស្មាតហ្វូននេះសាកថ្មបាន 90% ខណៈពេលដែលវាបញ្ចូលពេញ 100% នៅក្នុងពេល 11.28 នាទី។
ស្មាតហ្វូន Infinix Concept Phone 2021 នេះ មានអេក្រង់ទំហំ 6.67 អ៊ីង AMOLED ជាមួយនឹងកម្រិតភាពច្បាស់ 1080p+ ផងដែរ។ ស្មាតហ្វូននេះ មានកាមេរ៉ាខាងក្រោយទំហំ 8MP periscope lens ដែលមាន 60x Digital Zoom។ មានកាមេរ៉ាគោលទំហំ 64 MP និង 8MP Ultra-Wide។ ស្មាតហ្វូននេះ មានកាមេរ៉ាខាងមុខទំហំ 32MP selfie៕
