កាលពីប៉ុន្មានសប្តាហ៍មុននេះ មានរបាយការណ៍ជាច្រើន ដែលនិយាយអំពីស្មាតហ្វូន Apple iPhone 13 series។ ស្មាតហ្វូន Apple series ថ្មីនេះ នឹងបង្ហាញខ្លួននៅក្នុងរដូវស្លឹកឈើជ្រុះខាងមុខនេះ ហើយវក៏នឹងដាក់លក់ឆាប់ៗនេះផងដែរ។ នៅក្នុងរបាយការណ៍ជាច្រើនកន្លងមកបានបង្ហាញថា ក្រុមហ៊ុនApple នឹងប្រកាសចេញនូវស្មាតហ្វូន iPhone 13 series នៅក្នុងខែកញ្ញាខាងមុខនេះហើយ។
ស្មាតហ្វូន iPhone 13 series នេះ គឺមាន 4 ម៉ូដែល សម្រាប់ធ្វើការជ្រើសរើសនោះគឺ iPhone 13 mini, iPhone 13, iPhone 13 Pro និង iPhone 13 Pro Max។ បន្ទាប់ពីមានការបែកធ្លាយរូបរាងជាច្រើនរបស់ស្មាតហ្វូន iPhone 13 series នោះ នៅពេលនេះ យើងក៏មានការបែកធ្លាយគំរូរបស់ស្មាតហ្វូននេះផងដែរ។ សម្រាប់គំរូថ្មីរបស់ស្មាតហ្វូននេះ គឺមានពណ៌ Rose Gold ។
សម្រាប់ពណ៌ Rose Gold នេះ គឺពិតជាទាក់ទាញមែនទែនសម្រាប់ស្ត្រី និងយុវវ័យ។ បន្ថែមពីនេះទៀតនោះ ស្មាតហ្វូនiPhone 13 Pro series នេះក៏មានការកាត់បន្ថយទៅលើ notch កាន់តែតូចជាងមុនផងដែរ។ ស្មាតហ្វូននេះគឺមានបច្ចេកវិទ្យាFace ID ថែមទៀត។ នេះគឺជាលើកដំបូងបំផុតដែលក្រុមហ៊ុន Apple ធ្វើការផ្លាស់ប្តូរទៅលើការឌីស្សាញអេក្រង់ចាប់តាំងពីការប្រកាសបង្ហាញវត្តមានរបស់ស្មាតហ្វូន iPhone X នៅក្នុងឆ្នាំ 2017 ។ ស្មាតហ្វូននេះមានកាមេរ៉ា 3 គ្រាប់នៅខាងក្រោយជាមួយនឹងសេនស័រ LiDAR sensor ថែមទៀតផង។
iPhone 13 series នឹងប្រើប្រាស់នូវអេក្រង់ដែលមាន notch តូចជាងមុន។ ស្មាតហ្វូននេះ មានអេក្រង់ LTPO OLED របស់ក្រុមហ៊ុន Samsung និងទ្រទ្រង់នូវ 120Hz adaptive refresh rate ថែមទៀត។ កម្រិត refresh rate នេះអាចដូរនៅក្នុងចន្លោះពី 1 – 120Hz ។ ស្មាតហ្វូននេះក៏មានការទ្រទ្រង់ទៅលើ Face ID និង Touch ID ផងដែរ។ បន្ថែមពីនេះទៀតនោះ ស្មាតហ្វូននេះនឹងប្រើប្រាស់នូវបន្ទះឈីប A15 Bionic processor ជាមួយនឹងបច្ចេកវិទ្យា Wi-Fi 6E technology ផងដែរ។ ស្មាតហ្វូននេះប្រើប្រាស់នូវ ultra-wide-angle lens, 5P (f/2.4 ) និង focus (FF) 6P (f/1.8)។ វាក៏មានការទ្រទ្រង់នូវ auto focus (AF) ផងដែរ។ នៅក្នុងរបាយការណ៍ជាច្រើនបញ្ជាក់ថា ស្មាតហ្វូននេះនឹងបង្ហាញខ្លួននៅក្នុងខែកញ្ញា៕